Dawladda Faransiiska

SL PresedentOo Casuumad Rasmi Ah U Fidisay Madaxweyne Siilaanyo Hargeysa  Safiirka dawladda Faransiiska u qaabilsan Somaliland iyo Soomaaliya Ambassador Etienne De Poncins oo shallay booqasho ku yimid magaalo madaxda Somaliland ee Hargeysa ayaa u gudbiyey madaxweynaha Somaliland Axmed Siilaanyo martiqaad rasmi ah oo dawladda faransiisku u fidisay madaxweynaha Somaliland.

Ambassador Etienne De Poncins oo shallay kulan kula yeeshay madaxweynaha Somaliland Axmed Maxamed Maxamuud Siilaanyo xarunta madaxtooyada ee caasimadda Hargeysa ayaa u dhiibay waraaq martiqaad ah oo u usoo dhiibay ra’isal wasaaraha dalka France Jean-Marc Ayrault waraaqdaasi oo weedhahii ku qora ay ahaayeen sidani

“Mudane madaxweyne waxaan halkani kuugu soo gudbinaya martiqaad rasmi ah inaad timaado France si aad kulano ula yeelato dawladda iyo madaxda dalka faransiiska markasta oo wakhtigu ku saamaxo” ayaa lagu yidhi waraaqda.

Safiirka France ee Somaliland iyo Soomaaliya Ambassador Etienne De Poncins oo la hadlaayey warfidiyeenadda ka dib markii uu kulanka la yeeshay madaxweyne Siilaanyo ayaa sheegay in faransiisku uu aad u danaynaayo inuu xidhiidh siyaasadeed iyo mid ganacsi la yeesho Somaliland “waxaan halkani u imid in la bilaabo waji cusub iyo xidhiidh cusub oo siyaasadeed oo aanu jecelahay inuu u furmo Somaliland iyo France, waxaa France ay jeceshahay inay xidhiidh ganacsi iyo mid siyaasadeedba la yeelato Somaliland” ayuu yidhi Ambassador Etienne De Poncins oo ka jawaabaayey su’aal ay war fidiyeenadu weydiiyeen.

Madaxweynaha Faransiiska Nicolas Hollande ayaa lagu wadaa inuu dhawaan ka soo qayb gallo munaasabadda 50 sanno guuradda aas aaskii ururka Midawga Afrika oo lagu qabanayo magaalada Addis Ababa.

Madaxweyne Hollande oo dhawaan la hadlaayey telefishanka Africa24 ayaa u sheegay in Faransiisku uu doonayo inuu balaadhiyo xidhiidhkii uu la lahaa qaarada Afrika.

France

Filed in: Articles, Sports, Videos, Waaheen News

You might like:

2ef137b4-a7ab-4366-abcc-d9adb5e2f85f Muuse Biixi oo Sheegay In Shacabka Reer Awdal hormuud ka ahaayen Asaaska Qaranimada Somaliland
20000 Shirkadda DP World oo kormeertay Dekedda Berbera ee ay Heshiiska kula gashay Somaliland iyo Madaxweyne Siilaanyo o weftiga ku qaabilay Madaxtooyadda
Cali-Guray11 “Imika Ramaax Ma isaga ayaa Siduu Doono isaga Hadli kara? Faan waynaa!” Cali Guray
mur Xisbiga Waddani oo Wasiir Cali Mareexan ku Eedeyey in uu Warmo isugu Dhiibay Golaha Deeganka Burco
Capture Madaxweynayaasha Somaliya iyo Puntland oo Dajiyey Qorshe Dagaal oo ay ku Soo qaadan Somaliland iyo Gobolo ay Doonayaan in ay la Wareegan
xasan sheekh Mooshin Xilka looga Qaaday Xassan Sheekh Maxamuud oo ay Diyaariyeen Barlamaanka Dalkaasi

Leave a Reply

You must be Logged in to post comment.

© 2016 Waaheen Media Group. All rights reserved. XHTML / CSS Valid.
Proudly designed by Theme Junkie.