Wasiirka Duulista oo doonaya shantii Milyan ee madaarka inuu shaxaado iyo shirkadihii Qandaraaska qaadan lahaa oo diiday

Hargeysa(Waaheen) Wasaaradda Duulista hawada Somaliland ayaa war-saxaafadeed ay soo maxamuud xaashisaartay ku baahisay in ay qanadaraas ku bixin doonto lacag shan milyan ah oo ay dawladda Kuwait ugu deeqday si hal kiiloolmitir iyo badh loogu daro Run-wayga madaarka oo ay hore u dhistay, iyo sidoo kale sidii dayr loogu wareejin lahaa madaarka.

Sida ay Waaheen ku heshay xaqiiqooyin u dhuun daloola qandaraaska la doonayey in la bandhigo shanta Milyan ee Doolar waxa soo food saaray caqabad kadib markii sida la sheegay shirkadda China Horn Group in ay diiday qorshe cusub oo uu wasiirku doonayo in uu ku bixiyo, taasoo ay shirkaddu sheegtay in aanay isku bixinayn, isla markaana ku gacan saydhay qiimaha uu u dhigay.

Warku waxa uu intaas ku darayaa qandaraaskan oo lagu bixinayey Xafiiska guddida Qandaraasyada Qaranka oo ay balantu ahayd shalay in la furro in ka soo baxday in la waayey shirkad soo xaraysata, marka laga reebo shirkadda Amal oo imikaba maamusha qaybo ka mid ah jidka Hargeysa iyo Berbera, taasoo aan lahayn qalabka ay haysato shirkadda China Horn Group oo kale.

Sida xoguhu sheegayaan guddida qandaraasyada iyo wasaaradda Duulistu waxay ay hakiyeen Qandaraaskaas ay doonayeen in ay bilaabaan kadib markii ay ka shaaceen qaabka ay shirkadduhu uga cagajiideen mashruucan oo wajigiisii hore qalab la’aan darteed qaatay muddo sanad iyo badh ah, isla markaana Eedo badan Xukuumadda loogu soo jeediyey.

Illaa hada ma jiro hadal ka soo baxay dhinacyada Wasaaradda iyo Guddida Qandaraasyada midkood na hase yeeshee sida ilo wareedyadu xusayaan sababta ugu way nee uu u istaagay waxa lala xidhiidhinayaa in ay tahay wasiirka wasaaradda Duulista Maxamuud Xaashi Cabdi oo doonaya in lacagta uu kala farsameeyo, isla markaana uu qandaraaska ku bixiyo xisaab ka yar ta ay ku hirgali karto hawsha la doonayo in madaarka laga qabto.

Furista qandaraaska waxa si wadajir ah uga qayb qaadanayey Wasiirka wasaaradda Duulista, Guddoomiyaha guddida qandaraasyada qaranka iyo khubaro ka socota Dalka Kuwait oo masuul ka ah lacagta Somaliland lagu caawiyey isla markaana qayb ka ah kharashka madaarka la galinayo sida ku cad war-saxaafadeedkii ay doraad wasaaraddu ka soo saartay Tobankii Milyan ee hore.

Filed in: Waaheen News

You might like:

ttttt Tacsi: Reer X Siciid oo Tacsi u diraya Hodan Yuusuf Aadan oo Hooyadeed ku geeriyootay Hargeysa
tacsss Tacsi ku socota Hodan Yuusuf Aadan oo Hooyadeed Aamina maxamuud maanta ku geeriyootay Hargeysa
tacsii Tacsi ku socota Hodan Yuusuf Aadan oo ay Hooyadeed ku Geeriyootay Hargeysa
camay Madaxweyne Ku-xigeenka Puntland Oo Ku sheegay In Heshiiskii Dp World Iyo Saldhiga Imaraadka Laga Siiyey Berbera Ay Dawlada Somaliya Saxeexdey
xassan aadan Daawo: Qurba-jooga Beelaha Ayuub oo Si Adag ugu Jawaabay Gudoomiyaha Xisbiga Kulmiye Muuse Biixi
18582179_1724387624525322_6906092040782279845_n Xisbiga WADDANI oo Xaflad Soo Dhaweyn ah Ku Qaabilay Haween Ka Soo Jeeda Gobalka Saaxil oo Ka Soo Diga-rogtay Xisbiga KULMIYE

Leave a Reply

You must be Logged in to post comment.

© 2017 Waaheen Media Group. All rights reserved. XHTML / CSS Valid.
Proudly designed by Eagle Tech.