Ciidanka RRU-da oo xalay gurigiisa kala baxay Cismaan Awr-liqe iyo Carruutiisa

rruDhawr guri oo kale ayay Hargeysa u daateen saqdii dhexe
Hargeysa(Waaheen) Ciidanka la dagaalanka Argagixisada ee RRU-da ayaa xalay laba guri oo Hargeysa ku yaala kala baxay Dad rayid ah oo hurday, kuwaas oo ay ka mid yihiin Cismaan Awr-liqe iyo Ilma sheikh Abiib.
Guriga Cismaan Awr-liqe oo ku yaala xaafadda Xero Awr ayay abaara 1:00 Habeenimo u daateen koox ka tirsan RRU-da oo wadatay ciidan xoogan, waxaanay jabiyeen Albaabka danbe ee daarada markii Albaabka hore u furmi waayay.
Isla markiiba waxa ay abaareen Cismaan Awr-liqe iyo Laba Wii loo uu dhalay kuwaasoo guriga hurday wakhtigaasi, ilaa hadana lama garanayao sababta loo taxaabay qoyskaasi.
Dhinaca kale, xaafad ku taala Sheekh Madar oo la yidhaahdo Ilma Sheekh Abiib ayaa iyana sidoo kale Ciidanka RRU-du xalay ui dhaceen waxaanay ka kaxaysteen laba Wii loo ilma sheikh Abiib ah oo guriga jiifay.
Wargeyska Waaheen oo booqday guriga Cismaan Awr liqe kadib markii lala baxay ayay Xaaskiisu uga warantay sidii ay wax u dhaceen “ Kabtan xidhana waxa xalay lanagu sameeyay nagumuu samayn. Inta saqdii dhexe albaabka qori dabadii lala dhacay ayaa markii aanu furi weynay xaga danbe la nooga soo daatay, qufulkaas bay jabiyeen, dabadeedna hanjabaad iyo weerar xoog ah ayay nagu qaadeen” ayay tidhi Xaaska Cismaan Awr liqe oo guriga hor fadhiday dumar badan oo jaarka ahina ag fadhiyaan sidii oo Tacsi loo fadhiyo
Iyadoo sii wadata warbixinteeda waxay raacisay “ waxaanu moodaynay markii hore Tuug, Wiil ka mid ah Inamada ayaa yidhi waa Ciidane ka fura, intaanan furinba ayaa kuwii xaga danbe ka soo dhacay Hooyaday oo qolkaa danbe ka soo kacday ayay hor istaageen, ana qori guriga yaalay oo aan hayay baan la soo baxay oo aan cabeeyay, Odaygu qori ma haysto oo Wiil aanu walaalo nahay oo Ciidanka ku jira ayuu kiisii siiyay, kana amaano ayuu nagu ahaa, haddii uu isagu hayn lahaa khasaare ayaa dhici lahaa laakiin anigaa meel dhigay oo ogaa” ayay tidhi
“waadigaa arkaya gurigii way galalafeen Ciidan Rag iyo Dumar leh bay ahaayeen Odaygii, labadii Wiil iyo Qorigiiba way qaateen, wax aanu galnay oo aanu ognahayna ma jirto.” Ayay raacisay iyadoo ka war warsan dhacdada gurigeeda lagu weeraray saqda dhexe.
Cismaan Awr liqe ayaa ahaa Mujaahid ka tirsanaan jiray Ururkii SNM, dhawaana waxa uu iska casilay Xafiiska Madaxtooyadda u qaabilsan Arrimaha Bulshada oo uu Madax ka ahaa, isagoo markii uu xilka ka tagay warbaahinta u sheegay in uu warar uu hayo u soo bandhigi doono, hase yeeshee intii danbe arrintaa afka ka xidhay.
Lama oga qabashadiisu in ay salka ku hayso khilaafka keenay in uu shaqada ka tago oo lala xidhiidhinayay khilaaf soo kala dhex galay isaga iyo Madaxtooyadda, iyo in arrimo kale ay jiraan.
Ciidanka RRU-da ayaa Habeen hore sidan oo kale magaaladda Burco uga fuliyay hawl gal ay Hub iyo Dadba kaga qab qabteen magaaladda Burco, ilaa hadana wax war ah Xukuumaddu kamay soo saarin dhacdooyinkaasi isdaba jooga ah ee ay Ciidanku fuliyeen

Filed in: Waaheen News

You might like:

wargeyska Daawo: “Gudida Beelaha Sacad Muuse Umaanaan Dirin Siyaasada Intii Ka Badbaaday Ayuunbaa Maanta Ka Jirta Inta Kalana Waxaanu leenahay Askar Is Qora” Qaar Kamida Sulaadiinta Sacad Muuse
sawir Daawo: Abshir Maxamed Warsame oo ka mid ah Gudidii Hoodaale oo daadifeeyey Go’aano ay soo saareen garabka gale
IMG_2309 Dhagayso: Salaadiinta Sacad Muuse oo Qaadacay Go’aamo ay Soo saaree Garabka mid ah Gudida Horu marinta Beeshu.
05 Sawiro: Gudidii Shirkii Hodaale ee Sacad Muuse oo Beeniyey in ay doorteen Musharax Reerka ee Xisbiga kulmiye.
3 Labbada Xisbi Mucaarid iyo Madasha Wadatashiga oo Si wadda Jir ah uga hadlay Xaalada Dalku Marayo, iyo Arrinta Awdal.
IMG_4419 Dhagayso: “nimanka Siyaasiyiinta ah ee Reerku waynoo siman yihiin Reerku ma kala saari karo ee Xisbigoodaa kala saari kar” Gudidii shirkii Hoodaale.

Leave a Reply

You must be Logged in to post comment.

© 2014 Waaheen Media Group. All rights reserved. XHTML / CSS Valid.
Proudly designed by Theme Junkie.