Wax Qabadkii Cristiano Ronaldo Ee Kulamadii Uu Kooxda Deportivo Alves Kaga Hor Yimid Real Madrid

0
780

Cristiano Ronaldo ayaa isku diyaarinaya imtixaan cusub kadib marka Real Madrid ay ku martigaliso kooxda Deportivo Alves garoonka Santiago Bernabeu Sabtida, kaasoo ka tirsan kulamada 25-aad xili ciyaareedkan ee horyaalka La Liga dalka Spain.

Ronaldo ayaa dib u helay qaab ciyaareedkiisii ugu fiicnaa isbuucyadii lasoo dhaafay, isagoo dhaliyay 8 gool ee ah horyaalka La Liga tan iyo bilowgii sanadkan cusub ee 2018, wuxuuna rikoodhkan kaga sareeyaa xidig kasta ee ka xamaasha La Liga-ha.

Cristiano Ronaldo ayaa kaliya seddex kulan la ciyaaray kooxda Deportivo Alves tan iyo markii uu yimid Real Madrid, kulamadaas oo dhamaantood ahaa horyaalka La Liga, 2 kulan ka mid ah waxay ahaayeen xili ciyaareedkii lasoo dhaafay, waxayna Los Blancos kulanka lugta hore guul ku gaadhay 4-1, halka kulanka labaadna ay ku badisay 3-0, sidoo kale Real ayaa guul kaga gaadhay kooxda Alves 2-1 kulanka lugta hore horyaalka dalka Spain ee xili ciyaareedkan 2017/2018.

Inta lagu gudi jiray seddexda kulan, Ronaldo ayaa dhaliyay seddex gool, wuxuuna caawiye ka noqday 1 gool kale, 3 gool uu ka dhaliyay wuxuu kaga dhaliyay hal kulan ee ahaa kulankiisii ugu horeeyay uu kaga hor yimid maaliyada Real Madrid kooxda Deportivo Alves, laakiin wuxuu ku guuldareestay inuu shabaqa ka soo taabto ladii kulan ugu dambeysay ay labada kooxood wada ciyaareen.

Deportivo Alves ayaa ka mid ah seddexda kooxood ee Spain ka dhisan uusan Ronaldo weli ku guuleysan inuu gool kaga dhaliyo garoonka Santiago Bernabeu, lakiin waxa uu fursad weyn u heysan doonaa kulanka beri, madaama uu qaadanayo kulamadii lasoo dhaafay waqti fiican ee dhanka gool dhalinta ah.