Day Archives: December 3, 2017

VideosWararka

Cabdiraxmaan Cirro Oo Safar Ugu Baxay Dalka Kenya Iyo Ujeedada Socdaalkiisa

Hargeysa(Waaheen) Murrashaxii xisbiga mucaaradka ah ee WADDANI Dr Cabdiraxmaan Maxamed Cabdilaahi “Cirro” ayaa tan iyo intii lagu dhawaaqay natiijadii doorashadii madaxtooyada Somaliland ee dalka ka qabsoontay 13-kii Bishii Nofeember ee dhamaatay kadib waxa uu safar ugu baxay magaalada Nayroobi ee caasimada dalka Kenya.

Murrashaxx Cabdiraxmaan Cirro ayaa baxay Doraad,ujeedada socdaalkiisana wax war ah kamay soo saarin xisbiga mucaaradka ah ee WADDANI,balse xogoha aan helayno ayaa tibaaxaya in safarka Murrashax Cirro uu yahay mid Shakhsi ah isla markaana ay ku waheliyaan qoyskiisu.

Murrashax Cirro ayaan warbaahinta la hadal,waxaana warbaahinta ugu danbaysay habeenkii uu shaaciyay in uu danta Qaranka ee guud uu u aqbaly natiijadii doorashada oo uu sheegay in ay ahayd mid madmadow badan uu ku jiray.

VideosWararka

Ku Dhawaad 100 Tahriibe Oo Reer Somaliland U Badan Oo La Layahay Meel Ay Ku Danbeyeen Iyo Ciidamo Military Ah Oo Xoog Kula Wareegay

Libya(Waaheen)-Tahriibayaal 100 Qof ku dhaw isla markaana reer Somaliland u Badan ayaa la layahay meel ay ku danbeeyeen , wararka soo baxaya waxaa ay sheegayaan in dhalinyaro Somali ah isla markaana u badan reer Somaliland oo tahriibayaal ah ay 19-kii bish November iyaga oo maraya saxaraha u dhaxeeya Liibya iyo Suudan ay gacanta ku dhigeen Militery-ga dalka Liibya , Kuwaas oo muddo 11 cisho ah la layahay meel ay jaan iyo cidhib dhigeen .

Dhalinyaradan oo rag magafayaal ahi ka kaxeeyeen dalka Suudan ayaa la sheegay in Ciidamo ka tirsan Militery-ga dalka Liibya in ay gacanta ku dhigeen , ka dib markii ay qabteen iyaga oo maraya saxaraha gaar ahaan dhinaca xuduuda dalka Libya .

 Shabakada wararka Ramaasnews oo Barta Facebook-ga kula xidhiidhay xalay Cabdirisaaq Xuseen Ismaaciil “Gaandaa” oo ah wiil dhalinyaro ah oo dhalasho ahaan kasoo jeeda magaalada Burco oo wakhti xaadirkan ku sugan dalka Liibiya ayaa noo sheegay in dhalinyaradan oo tiradoodu ay dhamaayeen 86 dhalinyaroah una badnaa dhalinyaro kasoo jeeda Somaliland gaar ahaana magaalooyinka Burco Hargeysa iyo Berbera ay 19-kii Bishan dhamaatay ee Noofeember ay ciidamo Milateri ah awood kagala wareegeen magafayaal watay oo ka kaxeeyey Suudaan,kuwaas oo magafayaashii watay dhalinyaradan iyo ciidamadii Milateriga ahaa is rasaasayn dhex martay,intaasi kadib ay awood ciidamadaasi kula wareegeen dhalinyaradan.

Cabdirisaaq Xuuseen Ismaaciil “Gaandaa” waxa uu noo sheegay in 9 kamid ah dhalinyaradaas ay ka baxsadeen ciidamada hadana ay ku sugan yihiin magaalo dhanka Waqooyi ka xigta caasimada Liibiya Tripoli,waxaana uu sidoo kale xusay in dhalinyadaasi inta kale ilaa hadda la la yahay meel ay jaan iyo cidhib dhigeen.

Dhalinyaro badan oo Somali ah ayaa si aada ugu dhibaataysan saxaraha Liibiya ,kuwaas oo jidh dil xoogan u gaysteen magafayaasha tahriibiya dhalinyaradda,waxaana baraha bulshada wareegaya maalmihii u danbeeyey dhalinyaro badan oo Somaliland oo muuqaalo laga soo duubay iyaga oo garaacaya isla markaana jidh dil xoogan loo gaysanayo si ay si deg deg ah ehelada dadkaasi usoo bixiyaan lacagta.

Dhawaan waxaan idinla wadaagi doona dabagal iyo baadhisna aan ku haynaa magacyada dhalinyaradaasi la la yahay meel ay joogaan,kuwaas oo ay si aada uga walwalayaan ehelada dhalinyaradani.

VideosWararka

Madaxweynaha Xilka Ka Sii Dagaya Axmed Siilanyo Oo Dalacsiiyey Taliyaha Ciidanka Booliska

Hargeysa(Waaheen)-Madaxweynaha Xilka ka sii dagaya ee Somaliland Axmed Maxamed Siilaanyo ayaa

taliyaha Guud ee Ciidamada Booliska Somaliland Cabdillaahi Fadal Iimaan dallacsiiyay, Taliyaha oo hore u ahaa sarreeye guuto ayaa haatan laga dhigay Darajada Sarreeye Gaas.

Sarreeye Gaas Cabdillaahi Fadal Iimaan oo Muddo soo hoggaaminayay ciidamada booliska ayaa la rumaysan yahay in uu shaqo wanaaggiisa ku mutaystay dallacsiinta la gaadhsiiyay darajada u saraysa ee Ciidamada Somaliland.

Muddada uu hayay hoggaanka booliska Ayaan laga dareemin dhalliilo shaqo iyo cabasho dhanka ciidanka ah Iyo Haday Noqto Dhinaca Dadwaynahaba .

Taliye Fadal Ayeey Ciidamadu Ku Tilmaamaan In Uu Yahay Taliyihii Ugu Fiicnaa Ee Soo Mara Ciidamada Marka la Eego Hogaaminta Ciidanka Iyo Habdhaqankiisaba