Qaramada Midoobey oo lacago dhan balaayiin doolar u dalbatay arimaha bina’aadanimada sanada

Qaramada Midoobey ayaa codsatay lacag dhan $22.5bilyansi loogu bixiyo arrimaha bina’aadanimada sanada 2018.

Codsigani caalamiga ah ayaa looga gol leeyahay in lagu helo lacago si loogu caawiyo 91 milyan oo qof ee daafaha dunida ku dhibaataysan.

In ka badan $10 bilyan oo lacagtan ka mid ah ayaa loo baahan yahay si loo xaliyo dhibaatada bina’aadanimo ee ka jirta dalalka Suuriya iyo Yamen ayaa lagu sheegay bayaanka ay Qaramada Midoobey soo saartay.

Qaramada Midoobey ayaa sidoo kale sheegtay in dhibaatooyiinka ka jira qaar ka mid ah wadamada qaarada Afrika ay sii kordhayaan.

Colaado ka jira qaar ka mid ah wadamada qaarada Afrika iyo bariga dhexe ayaa sii kordhisay 5%, tirada u baahan gargaar bina’aadanimo sida uu sheegay isu duwaha Qaramada Midoobey Mark Lowcock.

Qaramada Midoobey ayaa sheegtay in $3.5 oo bilyan oo lacagtan ka mid ah lagu gargaari doono dadka ku qaxay gudaha Suuriya ,halka $4.2 bilyan lagu caawin doono qaxootiga reer Suuriya ee xerooyiinka wadamada dibadda ku jira.

Dalka Yemen, oo ay ka taagan tahay xaaladdii bina’aadanimo ee ugu darnayd caalamka ayay Qaramada Midoobey sheegtay in $2.5 oo bilyan loo baahn yahay si loo caawiyo dadka gargaarka u baahan.

Filed in: Videos, Waaheen News

You might like:

Madaxwaynaha Cusub Ee Somaliland Oo Magacaabay Golihiisa Wasiirada + Magacyadooda
Daawo: Khudbadii uu Daahir Riyaale Kaahin ka Jeediyey Xilwareejintii Madaxtooyada
Daawo: “Xilka Qaranka Waa loo kala Saraynayaa balse Sharcigaa Saraynaya” Muuse Biixi
Daawo: Nuxurka Khudbadii u dambaysay ee Madaxweyne Siilaanyo
Cali Khaliif Galaydh oo Sheegay in Khaatumo Diyaar u tahay Somaliland lawada leeyahay
“Anigu Waligayba Waan Dhici Jiree Tani waxa ay ku Fiicnayd Cabdiraxmaan Ciro” Guddoomiyaha Ucid
© 2017 Waaheen Media Group. All rights reserved. XHTML / CSS Valid.
Proudly designed by Eagle Tech.