Day Archives: October 16, 2017

VideosWararka

Xisbiga WADDANI oo Xaflad Soo Dhaweyn ah u Sameeyey Siyaasiyiin iyo Taageerayaal Ka Soo Jeeda Beelaha Abokor Muuse/Ciidagale

Hargeysa(Waaheen):-Xafla si heer sare ah loo soo agaasimay oo Xisbiga WADDANI ku soo dhaweynaayey Siyaasiyiin, Wax-garad, Aqoonyahan, Xildhibbaano, Dhallinyaro, Haween iyo taageerayaal kale oo baaxad weyn ku waasi oo ka soo jeeda beelaha Abokor Muuse ee Ciidagale oo ka soo guuray Xisbiga KULMIYE, ayaa maanta ka qabsoontay hotel Guuleed ee magaalada Hargeysa.

Xafladdan oo uu ka soo qeyb-galay Murashaxa Madaxweynaha WADDANI Dr.Cabdiraxmaan M.Cabdillaahi Cirro, ayaa waxa ku wehelinaayey siyaasi Maxamed Biixi Yoonis, Siyaasi Ismaaciil Hurre Buubaa, Siyaasi Abiib Timacad, Siyaasi Keyse Cali Geedi, Siyaasiyiin kale, Xildhibbaano, xubno ka tirsan hoggaanada, guddiyada fulinta, garabbada dhallinyarta iyo haweenka iyo weli ba sida oo kale siyaasiyiinta iyo taageerayaasha ku soo biiray Xisbigaasi oo ay hoggaaminaayeen Suldaan Maxamed Xasan Gadhle, Mujaahid Iid Cabdillaahi Dhegayare,Xildhibbaan Maxamed Cabdi Dhamac, Aqooyahan Yaasiin Calase, Khadar Xasan Qabaal, Xildhibbaan Iid Faarax, Garyaqaan Siciid Jaamac Geel-jire, Axmed Xasan Goolle, Maxamed Yoonis Jaamac(Dhaliye), iyo Layla Ismaaciil Boorke iyo weli ba taageerayaal kale oo aad u tira badan kuwaasi oo ku soo biiray Xisbiga WADDANI.

Qaar ka mid ah siyaasiyiintii, Xildhibbaanaddii iyo taageerayaashii kale ee halkaas k hadlay, ayaa dhammaantood ba sheegay in ay aad ugu faraxsan yihiin ku soo biiritaankooda Xisbiga WADDANI, waxaana ay cod dheer ku sheegeen in Xisbiga WADDANI uu yahay Xisbigii badbaadada Somaliland.

Siyaasi Keyse Cali Geedi, Xildhibbaan Dheeg iyo weli ba saraakiil kale oo aad u tira badan oo dhammaantood ba halkaas ka hadlay, ayaa sheegay in ay si diiran u soo dhaweynayaan sida milgaha leh ee beesha Abokor Muuse ay cududeedii taageero ugu muujisay Xisbiga WADDANI iyaga oo tilmaamay in Xisbiga WADDANI yahay madal aan la kala lahayn sida oo kale na uu yahay xisbiga keliya ee rejada u ah shacabka Somaliland.

Siyaasi Maxamed Biixi Yoonis oo isna dhankiisa halkaas ka hadlay, ayaa muujiyey sida uu u la dhacay cududa taageero ee ay muujiyeen shacabka ku dhaqan deegaanada Salaxley iyo Koonfurta Hargeysa, waxaana uu sheegay in Xisbiga WADDANI uu yahay kii wax badan ka qaban lahaa baahiyaha ka jira deegaanaddaasi.

Murashaxa Madaxweynaha WADDANI Dr.Cabdiraxmaan M.Cabdillaahi (Cirro) oo isna dhankiisa halkaas ka hadlay, ayaa ugu horreyn si diiran u soo dhaweeyey taageerayaashaasi, waxaana uu tilmaamay in Xisbiga WADDANI uu yahay xisbigii rejada Somaliland isla mar ahaantaana uu balan-qaadayo in uu si cadaalad ah uu hoggaamin doono talada dalka sida oo kale na uu wax badan ka qaban doono duruufaha nololeed iyo sicir bararka ka taagan gudaha dalka.

Image may contain: 18 people, people smiling, crowdImage may contain: 17 people, crowd and outdoorImage may contain: 8 people, people smilingImage may contain: 3 people, suitImage may contain: 7 people

Arrimaha BulshadaVideosWararka

Murrashax Muuse Biixi oo Bulshada ugu Baaqay Inay Nabadda iyo Wadajirka Muhiimad gaar ah Siiyaan Waqtiga Doorashada

Hargeysa (Waaheen )- Guddoomiyaha KULMIYE, ahna murrashaxa madaxweynaha xisbiga Md. Muuse Biixi Cabdi, ayaa si qoto dheer u sharraxay qiimaha ay nabadda iyo wada-jirku u leeyahay Jamhuuriyadda Somaliland iyo shacabkeedaba, waxaannu ku baaqay in xil gaar ah la iska saaro ilaalinta nabadgelyada wakhtiyada lagu jiro ololaha siyaasadeed ee dalka ku soo foolka leh.

Murrashax Muuse Biixi oo ka hadlay madal uu xisbiga KULMIYE ku soo dhaweynayey dhallinyaro iyo aqoonyahan xisbiga ku soo biiray maanta, ayaa tilmaamay inay KULMIYE ahaan ka go’an tahay in doorashada iyo ololaheedaba lagu galo jawi nabdoon oo aan dhibaato u geysanayn wadajirka iyo isku duubnimada bulshada walaalaha ah, isagoo arrintaas ka hadlayana uu yidhi, “Haddii aynu xisbiga KULMIYE nahay doorashadii kaabigay ina soo saartay oo ololihii baa la gelayaa, dadka qaarkiina ololaha waxay u haystaan in la is caayo oo la isku buuqo, laakiin KULMIYE ahaan waxaasi way innaga reebbanyihiin, codbixintana marka hore waxa aynu ku gelaynaa nabad, mar labaadka waxa aynu ku gelaynaa nabad, qiimaha ay nabaddu leedahayna ninkii xumaanta iyo dagaalka arkay baa leh, dhallinyarada yaryar ee 20-jirka iyo 30-jira ahina maanta ma garanayaan qiimaha ay nabaddu leedahay iyo culayska iyo dhibaatada dagaalka iyo khilaafku leeyahay, innagana maanta gobolka aynu ku noolahay ee hareeraheena ah dab baa ka kacaya, dhammaanba cod-bixiyayaasha KULMIYE waxaan ku dardaarayaa inay nabadda kow ka dhigtaan.”

Md. Muuse Biixi waxa isagoo hadalkiisa sii wata uu ka digay in xaraaradda ololuhu gaadho heer bulshadu lumiso feejignaanta, isla markaana ay ka faa’iidaystaan dadka qaska jeceli, “Maanta ololaha aynu ku jirno yaanay belaayo innoogu soo dhuumman, khilaafkana aynu ka fogaanno, nabadgelyona aynu ku codayno haddii kale qaran dhisimayno, si aynu nabadda u ilaalinona qof kasta oo Somaliland ah waxa ku waajib ah inay dhegahiisa iyo indhihiisuba u feejignaadaan qofkii belaayo wada ee shar wada, qof walibana waa inuu noqdaa ciidanka wardoonka ah oo waxa uu ka shakiyo soo ogaadaa oo uu noqdaa Boolis nabadda ilaaliya,” ayuu yidhi murrashax Muuse Biixi Cabdi.

Murrashax Muuse Biixi Cabdi waxa uu xusay inay xisbiga KULMIYE muhiimad gaar ah u leedahay codaynta oo nabadgelyo loo galo, isla markaana danta dalka iyo ta dadkuba ku jiraan in amniga si wadajir ah looga wada shaqeeyo, waxaannu yidhi, “Doorashada waxa aynu ku gelaynaa nabad, mabda’ isjacayl, xisbiyada aynu tartamaynaana waa Somaliland, innaguna waa qaddarinaynaa, haddii ay ina caayaana u jawaabi mayno oo waynu u dulqaadanaynaa, waayo ka dulqaata ayuun baa wax hela, anigana maanta nabad in lagu codeeyo uun baa ii muhiim ah, KULMIYE-na nabad, wanaag iyo walaaltinimo in lagu codeeyo ayuu doonayaa.”

Waxa kaloo uu Murrashaxa Madaxweynaha KULMIYE ka hadlay weerarkii ay dadka badani ku dhinteen ee ka dhacay magaalada Muqdisho ee xarunta u ah dalka aynu jaarka nahay ee Soomaaliya, isagoo tacsi tiiraanyo leh u diray shacabka halkaasi ku nafwaayey, isla markaana waxa uu bulshada reer Somaliland ugu baaqay inay ka bartaan cashar ku saabsan qiimaha nabadgelyo darradu leedahay, “Maanta waad la socotaan jaarkeena waxa ka dhacaya, magaalada Muqdisho saddex boqol oo qof (300) baa mar qudha ku dhintay, saddex  boqol (300) oo kalena waa dhaawac, kuwaas oo waayeel, carruur, dumar leh sheekh iyo shariif ba leh, waana masiibo weyn oo ummaddaas ku dhacday aad iyo aad baanu uga tacsiyadeynaynaa waanuna ka damqanaynaa dhibaatada qof kasta oo Islaam ah ku dhacday, haddii aynu KULMIYE nahay waxa aynu doonaynaa in Bani’aadka oo dhammi nabad helo oo Muslimku nabad helo, Ilaahay waxaynu ka rajaynaynaa inuu iyagana ka dulqaado geyiga oo dhanna nabad ku soo celiyo, innagana tusaale ayey inoogu filan tahaye waa inaynu khilaafka oo dhan ka fogaannaa,” ayuu yidhi murrashax Muuse Biixi Cabdi.

Maqaallo

Hambalyo: Muuse Yuusuf Kaamil Iyo Amaal C/raxmaan Oo Meherkoodu Ka Dhacay Hargeysa

Axmed Cabdiraxmaan Cabdalle (Fadhi), Cabdiqaadir Aadan Carab, Axmed Rashiid Cabdi (Akram), Madar Cabdi Axmed, Cabdillaahi Maxamed Axmed (Calan-cas), Mowliid Aadan Cumar, Axmed Cumar Caddaani (Axmed-Shaafi), Eng. Cabdirisaaq Muxumed Qalinle (Itaqile), Siciid Maxamed Askar, Eng. Axmed Maxamed Cabdillaahi, Sacad Cabdiraxmaan Xasan iyo Guud ahaan Asxaabtu waxay Hambalyo iyo Bogaadin u dirayaan

Muuse Yuusuf Kaamil

Iyo

Amaal Maxamed Cabdiraxmaan

Oo Meherkoodu ka dhacay Huteelka Maansoor ee Hargeysa 16 October, 2017-ka, waxayna leeyihiin Noqda Labadii Aqal-galkooda ku gaadha Bash-bash iyo Barwaaqo, ILAAHAYNA kala siiyo Ubad khayr qaba..Aamin..Aamin…Aamin

VideosWararka

Xisbiga UCID Oo Caawa Barnaamijkiisa Siyaasiga Ah Ku Soo Bandhigay Xarunta Gobolka Awdal Ee Borama .

Borama(Waaheen Waxaa xalay hotel Rays Ee Magaalada Borama lagu soo bandhigay Barnaamijka Siyaasiga ah Ee Xisbiga UCID .

Waxaana xafladda bandhiga ka soo qeyb-galay masuuliyiinta ugu saraysa Xisbiga UCID oo uu hormuud u ahaa Murashaxa Madaxweyne Ee UCID Eng Fasyal Cali Waraabe, Gudoomiye ku Xigeenka Kowaad Ee UCID C.naasir Buuni , isla markaana ay wehelinayeen Masuuliyiinta Xisbiga Ee Heer-gobol iyo Heer-degmo iyo Dad-wayne aad u tiro-badan oo soo buux-dhaafiyay Hoolka, Si ay uga qeyb-qaataan, isla markaana ay goob-jooga uga noqdaan madasha lagu soo bandhigayo Barnaamijka Siyaasiga ah ee Xisbiga UCID .

Waxaana halkaasi lagu soo bandhigay Barnaamijka Xisbiga UCID, oo ah barnaamij casri ah oo dalkan u horseedayaa barwaaqo iyo horumar .

Bulshadii madashaas ku sugnayd ayaa aad u dhuganayay, una dhagaysanayay markii aqoonyahanka Xisbigu ay ku nuux-nuuxsanayeen Barnaamijka Xisbiga, waxaanay kaga fal-celinayay sacab iyagoo aad-na u soo dhaweenayay .

Murashaxa Madaxweyne Ee UCID ayaa gabogabadii xafladaasi uu ka jeediyay khudbad dheer oo dhinacyo badan taabanaysay, taas oo uu nuxurkeedu ahaa in bulshada Reer Somaliland ay codkooda ugu hiilin lahaayeen qarannimada, oo ay dooran lahaayeen Xisbiga Cadaaladda Iyo Daryeelka UCID .

MaqaalloVideos

Af-Gobaadsiga Wasiir Buuxa ayaan Idin Siinayaa Maanta Cabdiraxmaan Cirro Ka Yeeli-Mayno

Af-Gobaadsiga Wasiir Buuxa Idin Siinayaa Ee Maanta Cabdiraxmaan Cirro Ka Yeeli-Mayno , Waayo Shaley Isagoo Gudoomiye Ka Ahaa Golaha Wakiilada Haya Ayuu Beelaha Gabooye Gabay

Musharaxa Xisbiga Wadani Ee Madaxweynenimada Mudane Cabdiraxmaan Maxamed Cabdilaahi (Cirro) , Waxa Uu Ahaa Shir-Gudoonkii Ugu Mudada Dheeraa Dalka Somaliland Soo Mara  Isla Markaana Hagayey Golaha Sharci-Dajinta Dalka Qiyaas Ilaa Laba Iyo Toban Sanno , Hadaba Mudada Cadedkaasi Leh Ee Uu Mudane Cabdiraxamaan Cirro Barlamaanka Iska Daa Hadal-Qaade Xataa Kamuu Fikirin Dadyawgan Dhaqanku Naafeeyay Inay Ka Qayb Galaan Talada Dalka.

Iyadoo Madaxweyne Axmed Maxamed Maxamuud Siilaanyo Waxaa Saddex Jeer Ku Soo Celiceliyaa In Xeerka Saamiga Kootada Beelaha Laga Tirade Badan Yahay Iyo Haweenkaba In La Ansixiyo, Maadama Ay Ka Maqan Yihiiin Miiska Wada Hadalka Iyo Ka Qaybgalka Siyaasada Dalka , Waxaan Si Cadd U Diiday Xidhlibaanda Taagersan Xisbiga Wadani Iyo Gudoomiyaha Golaha Wakiilada

Dhinaca Taageerada Madaxweyne Axmed Siilaanyo, Wuxuu Sheegay In Sidii Uu Horeba Ugu Taliyey, Imikana Ay Ka Go’an Tahay In Haweenka Somaliland Saami Go’an (Quota) Ka Helaan Barlamaanka Dalka, Golaha Wakiiladuna Meel Marinyo Kootada Ay Haweenku Dalbadeen,”

Sidoo Kale, Madaxweynuhu Wuxuu Caddeeyey Sida Uu Diyaarka Ugu Yahay In Beelaha Gabooye Qeyb Ka Ahaadaan Meel Kasta Oo Talada Dalka Lagu Go’aaminayo Kaalmo Muhiim Ahna Ka Galaan Saaxada Siyaasada, Dawladda Iyo Asxaabta Qarankaba.”

“Madaxweynuhu Wuxuu Xusay In Beelaha Gabooye Uu Ku Soo Daray Xukuumaddiisu Iyo Kuwa Ka Tirsan Shaqaale Weynaha Dawladduba Muujiyeen Dedaal Iyo Howlkarnimo Mudan Ku Dayasho, Hawlaha Ay Qaranka U Qabteen Awgeed,”

Mudadaasi Uu Ku Sugnaa Waxa U Tagey Codsiyo Ama Dhambaalo Lagu Dalbanayo In La Ansixiyo Xeerka Kootada Ee Ka Qayb Galka Saamiga Kuraasta Golayaasha Qaranka Ee Dalkan Lana Agaasimo Mooshinkeeda , Xiliyadani Waa Intii Aanu Furan Xisbiga Wadani Ee Uu Ahaa Gudoonka Golaha Wakiilada Somaliland Balse Dhagey-Jalaq Umuu Odhan Isagoo Ka Muquuranayey Arintan Soo Hadal-Qaadkeeda Waxa Uu Bilaabey Cirro Wakhtiyada Uu Xisbiga Wadani Ku Guulaystey Soo Bixistiisa Iyo Musharaxnimadiisa Isagoo U Fahmey Haduu Beelaha Gabooye Ku Weyn Uga Sheekeeyo Targetna Ka Dhigto Inuu Hanan Doono Codka , Arinkaase Laakiin Muu Hir-Galin Xuquuqdii Ay Lahayeen Aayer Kamey Hadhin Ilaa Heer Xukuumadeed Ilaa Madaxweyne Wey Ka Dalbadeed Ugu Danbayntiina Golahaa Loo Gudbiyey Ilaa Maanta

Hadaba Waxa Weeeyi Nuxurku Cirrooy Jawaabtii Meeday.

Ta Labaad Mudane Cirrooy Haday Daacad Ka Tahay In La Ansixiyo Dadyawgan Inay Talada Ka Qayb Galaan Maxaad Aduu Intaad Meesha Joogtey U Ansixin Weyday Ama Loo Arki Waayey Adoo Maalin Kaliya Uun Sida Mooshinkeeda, Xataa Waxaad Ka Muquuratey Xiliyadan Ugu Danbeeyey Ee Aad Hanka Siyaasiga Ah Laheyd Maad Garan Qodobkaa Kaga Faa,Iideyso Beelaha Laga Tirade Badan Yahay, Iska Ansixinteedee Waxa Dhawr Sano Ku Hor-Yaaley Oo Ku Duugoobey Xeerkii Saamiga Kootada Oo Isna Juuqla , Jaaqla.Ku Sugan Waxana Ugu Wacan Eed Cadaalada Uga Dhaceysaa Waa Diidmada Aadan U Ogolayn Inay Beelaha Gabooye Ka Qayb Galaan Talada Iyo Qaybka Galka Siyaasda Dalkan.

Markaa Maanta Kaa Yeeli Mayno (Abaalkii Shaley Aad Gabtey Adoo Noo Qaban Karaya Inaad Maanta Nagu Hasaawiso Waan Idiin Garab-Galayaa Ama Cid Kalaan Ku Dhaliilayaa, Ku Cambaareynayaa, Ku Dhaleecaynayaa, Waayo Adaaba Dhaleecaysan Maadaama Aad Wado Xoqantey Dib U Soo Faqeyso Waliba Aad Danbigeeda Aad Aduu Laheyd), Midina Waa Gaaroo Kumaad Xisaabtamin Erayo Fara-Badan Oo Aad Xaqoodi Ku Gaftay Dadywagaasi  Ugu Balan-Qaadey Adoo Xilelka Isu Haya Labadaba, Maad Qiimeyn Xataa Codsigaa Aad Ugu Jawaabtey Waan Keenaynaa Balse Xukuumadu Ha Soo Gudbiso, Waana Laydiin Keenay Adaase Hoosta Yara Dhigey.

Guntiyo Gaba-Gabada Waxaan Ku Soo Koobayaa Maanta Cidna Kama Yeelayno Wasiir Buuxa Baan Siinayaa Iyo Sheeko-Sheeko Aan Soo Dhaafney Gudoomiye , Iyadoo Xisbiga Kulmiye Ku Cadeeyay Barnaamij-Siyaasadkeekiisa In Beelaha Gabooye La- Taageero Sidii Golahayaasha Qaranka  In Laga Siiyo Kuraas Kooto  Iyo In Laga Qayb Galiyo Dhammaan Laamaha Dawlada Iyo Komishan Madax Banana Ee Dalka,

Golaha Wakiilada Waxa  Aan Ugu Baaqaynaa In Xeerka Kootada Dib Loo Eego Oo La Taageero Dadka Laga Tirade Badan Yahay  Iyo Haweenkaba Waxa Aanu Ugu Baaqaynaa In Uu Dabagalo Ku Sameeyaan Sidii  Xildhibaanadu  Mid Meel Mara Laahyeen Xeerkan .

Wabilaahi Taqwfiiq

Garyaqaan Muhiyadiin Mohamed Abdi

Hargeysa

VideosWararka

Xogahayaha Ku Xigeenka Warfaafinta Xisbiga Wadani Iyo Masuuliyin Ka Tirsan Golaha Dhexe Xisbiga Oo Xabsiga Dhexe Burco Loo Taxaba

Xogahaye Ku Xigeenka Warfaafinta Xisbiga Wadani Ee Heer Qaran C/salaam Maxamud Ducaale,Siyaasi Cabdilaahi Aadan Oo Ka Tirsan Golaha Dhexe Xisbiga Wadani Iyo Siyaasi Maxamed Aadan Ayaa Mar Dhawayd Loo Taxabay Saldhiga Dhexe Ee Magalada Burco,

Xadhiga Masuuliyintani Ayaa Lagaranaynin Sababaha Ka Danbeeyay Xadhigooda Marka Laa Tago Warar Ay No Sheegeen Masuuliyin Ka Tirsan Xisbiga Wadani Ee Gobolka Togdheer Oo Tilmaamayay Inay Ka Dabeeyaan Xadhigooda Xubno Ka Tirsan Xisbiga Kulmiye

VideosWararka

 KULMIYE oo soo Dhaweeyey Ururka Dhallinyarada BARAARUG oo Ka Dhisan Bariga Caasimadda Hargeysa

Hargeysa(Warbaahinta Xisbiga KULMIYE)-Xisbiga midnimada iyo Horumarka ee KULMIYE, ayaa  soo dhaweeyey Ururka dhallinyarada ee BARAARUG oo ka dhisan Bariga magaalada Hargeysa, kaas oo si rasmi ah ula midoobay xisbiga.

Munaasibadda lagu soo dhaweynayey ururka dhallinyarada iyo aqoonyahanka ee BARAARUG oo maanta lagu qabtay Huteel Kaah ee magaalada Hargeysa, ayaa waxa ka qaybgalay guddoomiyaha xibsiga KULMIYE, ahna murrashaxa madaxweyne ee xisbiga Md. Muuse Biixi Cabdi, guddoomiye ku-xigeenka labaad ee xisbiga Md. Axmed Cabdi Dheere, siyaasiyiin iyo saraakiil xisbiga katirsan oo uu kamid yahay Aqoonyahan Jamaal Cali Xuseen, wasiirrada wasaaradaha Duulista Hawada iyo Warfaafinta Md. Farxaan Aadan Haybe iyo Cismaan Cabdilaahi Saxardiid Caddaani, wasiiru-dawlaha Amniga ee wasaaradda arrimaha gudaha Md. Maxamed Muuse Diiriye, maayarka caasimadda Md. Cabdiraxmaan Maxamuud Caydiid Soltelco, salaadiin, madax-dhaqameed, madaxda xisbiga ee degmooyinka Axmed Macallin Haaruun iyo Gacan libaax, hoggaanka ururka BARAARUG ee lasoo dhaweynayey iyo marti-sharaf kale, waxana halkaas laga jeediyey hadallo lagu soo dhaweynayey ururka xisbiga kusoo biiray, isla markaana lagu faahfaahiyey sida uu xisbiga KULMIYE ugu heellan yahay inuu kasbado da’yarta aqoonta leh ee mustaqbalka ifaya leh.

Ugu horrayn hoggaanka garabka dhallinyarada BARAARUG oo ugu horrayn halkaas ka hadlay, ayaa ku dheeraaday sida ay urur ahaan ugu qanceen inay wax la qaybsadaan xisbiga KULMIYE, waxana ay farta ku fiiqeen inay sahamin dheer iyo baadhitaan badan ku ogaadeen in hoggaanka xisbiga KULMIYE u qalmo in la dhiso oo talada dalka lagu aamini karo.

Maayarka caasimadda Hargeysa Md. Cabdiraxmaan Maxamuud Caydiid Soltelco oo isaguna halkaas ka hadlay, ayaa bogaadiyey ururka Baraarug ee kusoo biiray KULMIYE, waxana uu ku boorriyey inay qaybtooda ka qaataan dedaalka uu xisbigu uru jiro inuu talada dalka hantiyo.

Wasiirrada wasaaradaha Warfaafinta Md. Cismaan Cabdilaahi Saxardiid Caddaani iyo Duulista Md. Farxaan Aadan Haybe, ayaa iyaguna tilmaamay inay cudud cusub oo laxaad lihi kusoo biirtay KULMIYE, waxana ay dhallinyarada kula dardaarmeen inay taageero buuxda u muujiyaan xisbiga KULMIYE iyo murrashaxiisa oo iyagu xil gaar ah iska saaray doorka dhallinyarada dalka.

Guddoomiyaha garabka haweenka ee degmada Gacan-libaax Marwo Xusni Maxamed Warsame, ayaa iyaduna muujisay sida ay xisbi ahaan ugu faraxsan yihiin cududda cusub ee ay xisbiga kusoo kodhinayaan ururka dhallinyarada ee BARAARUG oo ka dhisan Bariga caasimadda Hargeysa, waxana ay ku guubaasisay inay maanka ku hayaan inuu KULMIYE yahay xisbi muhiimadda ay dhallinyaradu leeyihiin xil gaar ah iska saaraya.

Guddoomiye ku-xigeenka koowaad ee xisbiga KULMIYE Md. Axmed Cabdi Dheere oo hadal kooban u jeediyey ururka dhallinyarada ee BARAARUG, ayaa hoosta ka xariiray inay hormood u noqon doonaan guul uu xisbiga KULMIYE kasoo hooyo doorashooyinka madaxtinimo ee dalka kusoo foolka leh, islamarkaana uu xisbigu maanka ku hayo inay dhallinyaradu yihiin cidda guul soo hoyn karta.

Guddoomiyaha xisbiga KULMIYE, ahna murrashaxa madaxweyne ee xisbiga Md. Muuse Biixi Cabdi, ayaa isaguna soo dhaweeyey xoogga cusub ee dhallinyarada Baraarug kusoo kodhinayaan KULMIYE, waxana uu baaq ku aaddan waqtiga ololaha u diray guud ahaanba taageerayaasha KULMIYE, isaga oo ugu baaqay inay ammaanka iyo wada-jirka umadda muhiimad gaar ah siiyaan, waxana isaga oo arrimahaas ka hadlaya uu yidhi, “Haddii aynu xisbiga KULMIYE nahay doorashadii kaabigay ina soo saartay oo ololihii baa la gelayaa, dadka qaarkiina ololaha waxa ay u haystaan in la is caayo oo la isku buuqo, laakiin KULMIYE ahaan waxaasi way inaga reeban yihiin, codbixintana marka hore waxa aynu ku gelaynaa nabad, mar labaadka waxa aynu ku gelaynaa nabad, qiimaha ay nabaddu leedahayna ninkii xumaanta iyo dagaalka arkay baa leh, dhallinyarada yaryarina maanta ma garanayaan qiimaha ay nabaddu leedahay iyo culayska iyo dhibaatada dagaalka iyo khilaafku leeyahay, inagana maanta gobolka aynu ku noolahay ee hareeraheena ah dab baa ka kacaya, dhammaanba cod-bixiyayaasha KULMIYE waxan ku dardaarayaa inay nabadda kow ka dhigtaan.”