Day Archives: September 30, 2017

VideosWararka

Xisbiga kulmiye Oo Magacaabay Guddiyada Ololaha Gobollada

 

 Kadib markii aan arkay muhiimadda Guddiyadda Ololaha Gobolladu u leeyihiin habsami-u-socodka iyo hufnaanta maamulka ololaha doorashada ee Xisbiga KULMIYE, waxa loo magacaabay in xubnaha hoos ku qoran ay noqdaan Guddiyadda Ololaha Gobollada ee Xisbiga KULMIYE, laga bilaabo maanta oo ay bishu tahay 30ka September, 2017. Gobollada dhiman waxa la soo magacaabi doonaa dhawaan.

 

Gobolka Maroodi-jeex:


  1. Axmed Cabdi Kijaandhe – Guddoomiye
  2. Cabdillaahi Faarax Cabdi Guddoomiye Ku Xigeen
  3. Maxamed Iid Dhimbiil
  4. Maxamed Aw Aadan Wayrax
  5. Cabdillaahi Ismaaciil Cabdi
  6. Maxamed Axmed Caalin (Tiimbaro)
  7. Rashiid Axmed Diiriye (Casayr)
  8. Maxamuud Jaamac Warfaa
  9. Xusseen Ibraahim Buuni
  10. Cabdirahman Cismaan Caalin
  11. Cabdiraxmaan Maxamuud Caydiid
  12. Cabdillaahi Cabdi Cige
  13. Maxamed Cabdi Cismaan (Jiir)
  14. Axmed Cabdi Daad (Suudi)
  15. Cismaan Cabdillaahi Hirad
  16. Yuusuf Cismaan Jaan-yar
  17. Ilyaas Xusseen Jaamac
  18. Cabdixakiim Siciid Bustaale
  19. Sitiin Xasan Jaamac
  20. Yurub Abiib Cabdi
  21. Faadumo Yuusuf Cismaan
  22. Kiin Xusseen Madar
  23. Nasra Maxamed Cabdillaahi


 

 Gobolka Togdheer:


  1. Jaamac X. Axmed Cabdi – Guddoomiye
  2. Mustafe Maxamed Axmed – Guddoomiye Ku Xigeen
  3. Xasan Cabdillaahi Axmed (Xasan Mataan)
  4. Maxamed Cabdiraxmaan Buraale
  5. Dayib Xasan Axmed
  6. Maxamuud Ismaaciil Bede
  7. Cabdillaahi Ismaaciil Faarax
  8. Mubaarak Ismail Xaaji Aadam
  9. Saleebaan Cabdi X. Cabdillaahi
  10. Yuusuf Maxamed Cariish
  11. Aadam Ciise Maxamed
  12. Faarax Ismaaciil Shire
  13. Fawsi Cabdillaahi Dirir
  14. Cabdinaasir Axmed Xirsi
  15. Maxamed Cabdillaahi Siciid
  16. Mubaarak Yuusuf Cilmi
  17. Mahad Maxamed Cawaale
  18. Cabdiqani Axmed Khaliif
  19. Mubaarak Cabdi Qaybdiid
  20. Farxaan Maxamed Cabdi
  21. Cabdi Axmed Siciid
  22. Cabdoo Axmed Aayir
  23. Xasan Cismaan Ismaaciil
  24. Deeqa Maxamed Biixi
  25. Busaad Siciid Kabadhe
  26. Xaliimo Xuseen Yuusuf
  27. Sabaad Aar Kaahin
  28. Nuura Yaasiin Cali


 

Gobolka Awdal:


  1. Axmed Xaaji Daahir Cilmi – Guddoomiye
  2. Maxamed Ibraahim Madaar – Guddoomiye Ku Xigeen
  3. Cabdiqaadir Daahir Axmed
  4. Axmed Yaasiin Sh. Cali Ayaanle
  5. Maxamed Cabdillaahi Obsiiye
  6. Cabdillaahi Ibraahim Habane
  7. Cabdirisaaq Waaberi Rooble
  8. Mustafe Faarax Abraar
  9. Cismaan Xasan Aw Cali
  10. Mahdi Xusseen Cadar
  11. Muuse Cismaan Dhagowayne
  12. Ayaan Cali Cumar
  13. Cali Xaamud Jibriil
  14. Khadra Ibraahim Cabdalle
  15. Cabdi Siciid Faahiye
  16. Maxamed Dayib Sh. Jaamac
  17. Nuux Daahir Camuud
  18. Mustafe Cali Nuur
  19. Maxamed Xusseen Maydhane
  20. Hibo Maxamed Dheere
  21. Rooda Cali Nuur
  22. Siraad Cabdillaahi Cilmi
  23. Deeqa Faarax Cadaawe
  24. Raxma Cabdi Dhimbiil


 

Gobolka Saaxil:


  1. Cabdillaahi Abokor Cismaan – Guddoomiye
  2. Maxamed Rooble Diiriye – Guddoomiye Ku Xigeen
  3. Yuusuf Axmed Maxamed (Halac)
  4. Cumar Aadan Kaahin
  5. Xusseen Jaamac Warsame
  6. Mustafe Xasan Cismaan
  7. Cabdiraxmaan Cawil Xasan
  8. Maxamed Cumar Axmed
  9. Ibraahim X. Cabdi Cilmi (Duufaan)
  10. Cismaan Cabdi Barkhadle
  11. Cali Ciise Xaaji Xirsi
  12. Yuusuf Cali Nuur
  13. Rooda Axmed Yaasiin
  14. Khadar Maxamed Taako
  15. Maxamed Cabdillaahi Cabdi
  16. Mawliid Aadan Jaamac
  17. Cabdirashiid Cabdillaahi Muuse
  18. Xaliimo Xusseen Yuusuf
  19. Maxamed Daahir Xasan
  20. Cali Jaamac Carraale (Cali Qaran)
  21. Maxamed Axmed Ismaaciil
  22. Cabdillaahi Cali Xirsi
  23. Maxamed X.Maxamuud Maxamed


 

Fiiro – gaar ah:  Guddoomiyaha Xisbiga KULMIYE ee Gobol kasta, waxa uu noqonayaa Xoghayaha Guddida Ololaha ee isla Gobol ka.

 

ALLAA MAHAD LEH

Muuse Biixi Cabdi

______________________________________________

Guddoomiyaha Xisbiga KULMIYE

Email: kulmiyepartychairman@gmail.com

Telephone: +25263 4026659, +25263 4093555,

Sha’ab Area, Hargeisa, Somaliland Republic.

VideosWararka

Madaxweyne Siilaanyo oo Mamnuucay in Hantida Dawlada oo Adeegsado Ololaha Doorashada

Madaxweynaha Jamhuuriyadda Somaliland, Mudane Axmed Maxamed Silaanyo, waxa uu maanta wareegto madaxweyne oo summadeedu tahayJSL/P/WM/ -50 /092017 uu ku dhaqan geliyey saddexdan arrimood: 1. Reebbanaanta U Adeegsiga Hantida Qaranka Ololaha Xisbiyada, 2. Isticmaalka Warbaahinta Dawladda iyo Fagaarayaasha Wakhtiga Ololaha Doorashada iyo 3. Gacan Siin Komishanka Doorashooyinka Qaranka.

 

Ø  Ujeeddo:       Wareegto Madaxweyne; Reebbanaanta U Adeegsiga                                                        Hantida Qaranka Ololaha Xisbiyada

 

Ku:      Golaha Wasiirrada JSL                                                                     Hargeysa

Ku:      Guddoomiyeyaasha Gobollada JSL                                         Xarumahooda

Ku:      Guddoomiyeyaasha Degmooyinka JSL                                   Xarumahooda

Ku:      Madaxda Hay’adaha Dawladda ee Madaxa Bannaan           Xarumahooda

Og:       Komishanka Doorashooyinka Qaranka                                          Hargeysa

 

Mudanayaal,

 

Sida aynu wada ognahay, waxa dalka ku soo fool leh doorashada Madaxtooyada oo u qorshaysan 13-ka November, 2017-ka. Sidaa darteed, waxa reebban in hantida qaranka nooc kasta oo ay tahay ba in loo adeegsado ololaha doorashada ee axsaabta qaranku ay ku loolamayaan.

 

Waxa kale oo reebban in Shaqaalaha Dawladda, Saraakiisha iyo Xubnaha Ciidammada ee kala duduwani, in ay galaan ololaha doorashada ee axsaabta qaranka.

 

Waxaan rajaynayaa in amarkaasi oo sidiisa u fulo. Cid kasta oo baal martana, waxa laga qaadi doonaa tallaabo ku habboon oo sharciga waafaqsan.

 

Ø  Ujeeddo:       Wareegto Madaxweyne; Isticmaalka Warbaahinta Dawladda                iyo Fagaarayaasha Wakhtiga Ololaha Doorashada

 

Ku :     Wasiirka Wasaaradda Warfaafinta iyo Wacyigelinta           Hargeysa

Ku:      Guddoomiyeyaasha Gobollada iyo Degmooyinka JSL          Xarumahooda

Og:       Komishanka Doorashooyinka Qaranka                                  Hargeysa

Og:       Wasiirka Wasaaradda Arrimaha Gudaha                              Hargeysa

 

Mudanayaal,

Sida aynu wada ognahay, waxa dalka ku soo fool leh Doorashada Madaxtooyada oo ku muddaysan 13-ka November, 2017-ka. Sidaa darteed, aniga oo ka duulaya Qodobka 26aad ee Xeer Lr. 20-2/2005, iyo Xeerka Hab-dhaqanka ee Xisbiyada oo faraya in Xisbiyada Qaranka u sinnaadaan muddada ololaha doorashada isticmaalka warbaahinta dawladda iyo fagaarayaasha khayriyadda.

 

Waxaan idin farayaa, idinkuna adkaynayaa in loo sinnaado muddada baahinta (hawo kujiridda) ee Idaacada Hargeysa, TV-ga Qaranka iyo Wargeysyada Dawladda, isla markaana si isku mid ah loo adeegsado fagaarayaasha khayriyadda ee gobollada iyo degmooyinka dalka.

 

Waxaan mar labaad, idin farayaa in aad dhaqan gelisaan shaxda qoondaynta ololaha ee saddexda xisbi qaran iyo sii deynta barnaamijyada ololaha doorashada ee ay soo saarayaan Komishanka Doorashooyinka, si loo helo in dalka ay ka qabsoonto doorosho xor iyo xalaal ah oo loo siman yahay.

 

Ø  Ujeeddo:   Wareegto Madaxweyne; Gacan Siin Komishanka                                                   Doorashooyinka Qaranka

 

Ku:      Golaha Wasiirrada JSL                                                                     Hargeysa

Ku:      Guddoomiyeyaasha Gobollada JSL                                         Xarumahooda

Ku:      Taliyeyaasha Ciidammada                                                       Xarumahooda

Ku:      Guddoomiyeyaasha Degmooyinka JSL                                   Xarumahooda

Ku:      Madaxda Hay’adaha Madaxa Bannaan                                  Xarumahooda

 

Mudanayaal,

 

Sida aynu wada ognahay, waxa dalka ku soo fool leh Doorashada Madaxtooyada oo u qorshayan 13-ka November, 2017-ka. Sidaa darteed, idinka oo gudanaya waajibaadka iyo masuuliyadda aad qaranka u haysaan, waxa la idin farayaa in aad ka gacan siisaan Komishanka Dooraashooyinka Qaranka gudashada waajibaadka qaranka ee ku aaddan qabsoomidda doorashada Madaxtooyada, idinka oo raacaya shuruucda iyo xeerarka Dalka u dejisan.

 

Waxaan mar labaad, idinku adkaynayaa in aad gacan buuxda ka siisaan Komishanka heerarkiisa kala duduwan ee qaran, gobol, degmo iyo goob kasta, kana digtoonaataan wax kasta oo u muuqan kara fara-gelin, una diyaarisaan goobaha ay u baahan yihiin sida Dugsiyada, Xannaanooyinka, Goobaha Dawladda ee ay u baahdaan.

 

Guddoomiyeyaasha Gobollada iyo Taliyeyaasha Ciidammada Qaranka, waxa si gaar ah loo farayaa in ay ka gacan siiyaan Komishanka heer Gobol, heer Degmo iyo heer goobeedba, hawlaha nabadgelyada iyo xasilinta amniga, muddada doorashadu socoto ka hor iyo kadib, iyaga oo ahmiyad weyn iska saaraya arrimaha keeni karaya nabad-gelyo darrada.

 

ALLAA MAHAD LEH

  Xuseen Aadan Cige (Deyr)

Af-hayeenka Madaxtooyada JSL

VideosWararka

Somaliland: Guddoomiyaha Degmadda Allay-baday oo Qoysaska Aroos dhigta Habeenkii  ku soo rogay saddex Milyan oo Ganaax ah

Dadweynaha oo Codsaday Ganaaxan markii Diiqadu dhibtay Dadka Danayrta Ah

Gabilay(Waaheen) guddoomiyaha degmadda Allay-baday ayaa Amar ku soo rogay Qoys kasta oo doonaya inay Aroostaan, waxaanu amray in Meherka iyo Duco lagu af-meero dhismaha Qoysaska Deegaankaas oo la iska dhaafo Aroosyadda Habeenkii la qabsado.

Guddoomiyaha Degmadda Allay-baday ayaa lagu soo waramayaa in uu Qoys kasta oo Aroos dhigta wakhti Habeenimo ah ku Ganaaxa lacag gaadhaysa Saddex Milyan oo shilling Somaliland ah, kaasoo qoys kastaa ku khasban yahay in uu bixiyo.

Qof ka soo jeeda deegaanka Allay-baday oo u kuur galay arrintan ayaa Waaheen u xaqiijiyey in booqasho uu toddobaadkan ku tagay deegaanka Allay-baday uu kula kulmay Qoysas Aroosyo qabsaday in lagu Ganaaxay Amarada Guddoomiyaha degmaddu ku soo rogay.

Qofka deegaanka ka soo jeeda ayaa sheegay in uu la kulmay Qoysaskaas qaarkood, isla markaana loo sheegay illaa tobaneeyo Qoys oo ganaaxani ku dhacay, kuwaas oo sheegay Amarka Guddoomiyaha inaan hore loogu sheegin, balse ay talaabadani lagu khasbay inay fuliyaan.

Aroosyadda Tuulayaasha ama magaalooyinka ka baxsan Caasimadaha goboladda ayaa inta badan waxa Aroosyada loo qabsadaa qaabkii Dhaqanka ahaa ee Habeenkii la isku soo guddi jiray, dabadeed la qabsan jiray Ciyaaraha kala duwan ee Dhaqanka ama kuwa Casriga ah.

Sidoo kale, waxa Caado u ah Dadka deegaamadaasi ku Dhaqan inay Aroosyadda u dhisaan qaab casri ah, iyadoo ay gaabaabsi kaga jiraan caadooyinkii hore sida dhismaha Aqal Somaligii iyo Dadabtii lagu caweyn jiray, hase yeeshee imika la dhiso guryo Jiingado ah iyo qalab magaalo, taasoo dadka deegaanadaasi ku soo kordhisa kharash farabadan oo aanay awoodi Karin.

Warar kale ayaa sheegaya Ganaaxan inay codsadeen dadweynaha Deegaankaas oo ay dhib badani kaga timi Nidaamka loo soo Diiqo Aroosyadda, gaar ahaan dadka danyarta ah oo iska bixin kari waayey wixii ay ku celin lahaayeen.

Dadweynaha ayaa la sheegay inay Maxkamaddaha Dalka ka soo Ansaxsadeen ganaaxan oo ah Heshiis la isla qaatay.

Sida ay doontaba ha ahaatee, sida uu sheegayo qofka warkan Waaheen siiyey illaa hada lama garanayo waxa uu u cuskanayo Guddoomiyaha Allay-baday Ganaaxan, hase yeeshee waxa laga warinayaa in uu ku tilmaamay in uu doonayo in uu wax kaga bedelo qaabka imika loogu qabsado deegaankaasi Aroosyadda.

VideosWararka

Waraabe laba Qof ku cunay Deegaanka Cabdi-Geedi

 

Cabdi-geedi(Waaheen) wararka naga soo gaadhaya Deegaanka Waqooyiga Hargeysa ayaa sheegaya in Waraabe Dad cun ahi toddobaadkan ku cunay deegaanka cabdi Geedi laba qof oo midi tahay gabadh yar oo laba jir ah, ka kale-na nin wadaad ah oo can ka ahaa Deegaanka Riiga Kalawle.

Xasan Cabdi Rayaale oo ka mid ah Cuqaasha Deegaanka Cabdi Geedi ayaa Waaheen u xaqiijiyey warkan Waraabaha Dad cunka ahi ku dilay labada qof, waxaanu sheegay in dadweynuhu cabsi xoog ah ka qaadeen weerarka u Dhurwaagaasi ku hayo Dad iyo Xoolaba.

Caaqil Rayaale waxa uu Waaheen u sheegay in Wraaabuhu labada qof kala cunay laba wakhti oo kala duwan waxaanu isagoo dhacdadan faahfaahinaya yidhi “ Waraabaha Ilmaha yar Cunay waxa uu habeen hore ka qaatay xaafad ka mid ah Tuuladda Cabdi Geedi Gabadh yar oo Hooyadeed bogga kaga jirta oo Hurida abaara kow iyo tobankii Habeenimo, markii qayladii la maqlayna waa laga daba cararay oo waa la waayey” ayuu yidhi

Rayaale waxa uu intaas raaciyey in dadweynaha xaafadda iyo Ciidamo degan Tuuladdu baadi-doon u galeen sidii Rag iyo Ruux loo soo heli lahaa waxaanu yidhi  “ Gabadhii yarayd Waraabihii markii uu qaatay wuu la fogaaday waxaanay raadcadii soo heshay lafo yar yar oo madaxa iyo dhinac ah oo ka soo hadhay Ilmihii yaraa ee Waraabuhu qaatay, waxaana lagu Aasay Tuuladda”.

Caaqil Rayaale mar uu ka hadlayey Ninka Wadaadka ah oo uu ku tilmaamay in uu ahaa Nin Suufi ah oo deegaanka Aad looga yaqaano isla markaana dadka iska socda ah waxa uu yidhi “ Deegaanka Kalawle waxa jira nin kale oo Suufi ahaa oo dadka iska socda oo isna uu Waraabahaasi Cunay oo Raqdiisii la helay isna waa Aasay.”

Caaqil Cabdi Xasan Rayaale waxa uu ka dayriyey xaaladda Waraabahaas oo uu ku tilmaamay mid u baahan wax ka qabasho, waxaanu xukuumadda ugu baaqay inay ka caawiso weerarka ba’an ee uu waraabahaasi ku hayo Dad iyo Xoolaba.