Day Archives: September 19, 2017

VideosWararka

Ururka SOLJA oo Kulan u qabtay Bahda Garsoorka, Booliska iyo Saxaafadda

Hargeysa(Waaheen)Ururka Suxufiyiinta somaliland oo kulan hawleed u qabtay qaybaha kala duwan ee warbaahinta, garsoorka iyo booliska kuwaasi oo lagaga hadlayey sidii loo xoojin lahaa wada shaqaynta ka dhexaysa sadexda qaybahaasi kala duwan, kaasi oo hore kulan hawleed noocan oo kale ah loogu soo qabtay bahada garsoorka iyo booliska, Kulan hawleedkani oo ay soo agaasimeen Ururka suxufiyiinta Somliland ee SOLJA iyadoo kaashanaysa Hayada Free Press Unlimited.

 

 

 

 

 

 

 

 

 

 

 

 

Ugu horayn waxa halkaasi ka hadlay agaasimaha ururka saxafiyiinta somaliland ee SOLJA Yaxye Maxamed Cabdi kaasi ooo sheegay ahmiyada ay leedahay sidii layskula fahmi lahaa wada shaqaynta warbaahinta, garsoorka iyo booliska iyada oo laga duulayo sidii loo heli lahaa warbaahin ka fog xadhiga iyo tacadiyada lagu hayo iyaguna ay u noqon lahayeen kuwo guta waajibaadkooda shaqo.

 

 

Geesta Kale waxa halkaasi ka hadlay Gudoomiyaha ururka suxufiyiinta somaliland Maxamud Cabdi Jaamac Xuuto kaasi oo ka hadlay muhiimada uu leeyahay kulan hawleedkani kaasi oo xoojinaya wada shaqaynta qaybahaasi kala duwan kaasi oo sheegay in warbaahintu ay xoojiso fahanka xuquuqday ay leedahay iyo mida lagu leeyahay waxa kale oo uu sheegay in bahada garsoorka iyo boolisku fahmaan xuquuqda asaasiga ah ee saxaafadu leedahay kuwaasi oo ay dhigayaan xeerka saxaafada somaliland Xeer 27/2004.

 

 

Gebogabadii Waxa halkaasi ka hadlay Taliye Ku Xigeenka Booliska Somaliland Somaliland Sarreeye Guuto Cabdiraxmaan Liibaan  Fooxle kaasi oo halkaasi ka sheegay in uu soo dhawaynayo kulankani kor u qaaday wada shaqaynta warbaahinta iyo booliska waxaanu sheegay in la badiyo kulamada noocani ah, kaasi oo si rasmi ah u furay shirkaasi.

 

 

Kulankani oo ah mid kor u qaadaya wada shaqaynta warbaahinta, Garsoorka Iyo booliska kaasi oo ka dhigay mid kor u qaada xuquuqda warbaahinta taasi oo warbaahintana ka dhigaysa mid kor u qaada xuquuqda lagu leeyahay.

VideosWararka

Shuraako oo maanta Hargeysa ka furaysa kulanka sanadlaha ah ee Maal-gashiga iyo Horumarinta Somaliland

Shirkan ayaa Waxa ka soo qayb galaya wufuud, shirkaddo Maalgashadayaal Caalami ah

Hargeysa(Waaheen) Hay’adda Shuraako oo sanad walba kulan balaadhan oo lagu falanqeeyo mashaariicda Horumarka qabata ayaa maanta Daah-furaysa kulan cusub oo lagag hadli doono fursadaha Maal-gashi ee Somaliland gaadhsiin kara Horumar.

Kulanka Shuraako oo ka furmi doonta Hotelka Maansoor ee magaaladda Hargeysa ayaa waxa ka soo qayb galaya wufuud caalami ah oo ka kala socota Dawladdaha dunida iyo shirkaddaha Caalamiga ah ee Maal-gashada mashaariicda kala duwan.

Shuraako waxay Kulankan diirada ku saari doontaa mashaariic kala duwan oo ay ka mid yihiin Gnaacsiga, Beeraha, Kaluumaysiga, Tamarta, kuwaas oo loo fikiri doono sidii loo horumarin lahaa, maadaama Shuraako iyo Daneeyayaasha Maalgashigu ku hawlan yihiin sidii ganacsiga Somaliland loo horumarin lahaa.

Shuraako waxay wadashaqayn dhaw leeyihiin shirkaddo waaweyn oo bixiya fursado maalgashi, kuwaas oo Yoolkoodu yahay sidii ay u dhiirigalin lahaayeen jiilka da’yarta ah ee ganacsigoodu kobcayo si ay u taageeraan, isla markaana uga midho dhaliyaan hamigooda.

Kulanka Shuraako ku Daahfurayso maanta oo socon doona saddex cisho waxa ka qayb qaadan doona wasaaraddaha Ganacsiga, Macdanta iyo Tamarta iyo Rugta Ganacsiga Somalilad, waxaana lagu soo bandhiigi doonaa fursadaha maalgashi ee sanadkan loo baahan yahay.

Agaasimaha Shuraako Anthony Pelz ayaa munaasibada furitaanka uga mahadnaqaya dhamaan Taageerayaashooda, isagoo ku soo dhawyn doona Hargeysa iyo shirka Caalamiga ah ee ay ku qabanayaan.

VideosWararka

Berbera: Dhalinyaro Tahriib ah oo lagu qabtay iyo xukuumadda oo Xeebaha Buluxaar iyo Ceel-garde ciidamo dhigtay

Berbera(Waaheen) Badhasaabka gobolka Saaxil ayaa sheegay inay ciidanka Booliisku qabteen dhalinyaro Reer Burco ah oo magaaladda Berbera lagu qarinayey, kuwaas oo ay magafayaal doonayeen inay Dooni ka saaraan Xeebaha Ceel-garde iyo Buluxaar.

Badhasaabka Gobolka Saaxil waxa uu sheegay inay koox magafayaal ahi bar kulan ka dhigteen magaaladda Berbera si ay khad cusub oo Tahriib ah uga bilaabaan xeebaha gobolka ooh ore uga fayoobaa Tahriibka.

Badhasaabku waxa uu sheegay inay baadi-goobayaan Magafihii dhalinyaradan doonayey in uu Tahriibiyo, sidoo kale; waxa uu iftiimiyey inay ciidamo dhigeen xeebaha Berbera oo dhan si looga hortago dhibta Tahriibka.

Dhalinyarada la xidhay oo dhan 24 isla markaana ka soo jeeda Gobolka Togdheer waxa uu Badhasaabku sheegay inay Maxkamad horgayn doonaan isla markaana sharciga marin doonaan.

Tahriibka Dhalinyarada ayaa kolba waji cusub yeelanaya, waxaanay kolba Magafayaashu furayaan khad cusub oo aan hore loogu baran, si uu ganacsigooda dadku u noqdo mid aan istaagin, maadaama halaaga dhalinyaradaasi iyaga u yahay faa’iido.

Dhawaan waxa lagu dilay gobolka gabilay Oromo Tahriib ah, kuwaas oo magafayaashu ka dhoofayaan xeebaha Somaliya.

VideosWararka

TOGDHEER: – Xisbiga WADDANI Oo La Wareegay Quluubta Bulshada Rer Qoryaale + Isu Soo Bixii Ugu Ballaadhnaa Oo Lagu Qabiilay Weftigii Musharaxa

Qoryaale  ( Waaheen) Guddoomiyaha WADDANI, ahna murrashaxa madaxweynaha ee xisbiga Mud. Cabdiraxmaan Maxamed Cabdillaahi (Cirro) iyo wefti uu hoggaaminayo, ayaa si heersare ah loogu soo dhaweeyey degmada Qoryaale oo kamid ah degaanada ugu codka badan Gobolka Togdheer.

Wefti uu hoggaaminayo murrashaxa Madaxweynaha WADDANI Mud. Cabdiraxmaan Maxamed Cabdillaahi (Cirro) oo ay xubno ka yihiin hoggaamiyaha Xisbiga, xoghayayaal, siyaasiyiin iyo xubno ka mid ah siyaasiyiin waa weyn oo ay kamid ahayeen Axmed Jaanbiir Suldaan, Abiib Diiriye Nuur, Axmed Cumar Cabdillaahi (Xamarji) Farxaan Facuul, Sheekhal Axmar, Cali Aadan Cawaale, Xildhibaan Maxamed Faarax Qabile iyo xubno kale  oo muddooyinkii ugu dambeeyey safar shaqo ku joogay Gobolka Togdheer, kana soo kicitimay magaalada Burco waxay maanta socdaal ku tageen xaruunta Degmada Qoryaale, waftigan ayaa markii ay halkaas gadheen waxa si layaab leh oo ah isu soo bixii ugu ballaadhna ee ka dhaca degmada Qoryaale ku qaabilay  kumanaan shacabka degmada Qoryaale ku dhaqan ah oo si qurux badan ugu soo lebbistay astaanta xisbiga WADDANI caanka ku yahay, isla markaana lu laayay caleemo qoyan ayna ka muuqato qiiro xad dhaaf ahi,

Taageerayaasha xisbiga WADDANI ee ku dhaqan degmada Qoryaale waxa siweyn uga dhex muuqday Siyaasiyiinta Hoggaamiyaha Xisbiga WADDANI Mud. Xirsi Cali Xaji Xasan iyo Kaaliyaha Warbaahinta ee Murashaxa WADDANI Mud. Muniir Axmed Cigaal oo ah laba siyaasi oo ka soo jeeda degaanka Qoryaale, kuwaas oo galbinaayay Murashaxa Xisbiga WADDANI Cabdiraxmaan Cirro oo farxad xad dhaaf ah wajigiisa laga dheehanaayay markii uu la kulmay kumanaanka ruux ee sida xamaasada leh ku qaabilay.

Soo dhaweynta ay bulshada degmada Qoryaale  ku qaabishay Murashaxa Xisbiga WADDANI iyo waftigiisa ayaa ahayd mid si weyn wax uga badashay fekerkii laga haystay shacbiga ku dhaqan degaankaas, kuwaas oo Xisbiga KULMIYE sheegan jiray inay u xidhanyihiin, waxana tageeradan la yaabka leh ee Xisbiga WADDANI ka hantiyay degaankaas hormood ka ahaa cuqaasha, odayaasha, waxgaradka, haweenka, haldoorka iyo aqoonyahanka degaankaas, sigaara waxa looga dhex arkaayay beesha Abokor Axmed oo kamid ah beelaha cududa ku leh degaanka Qoryaale oo si aan kala hadlahayn ugu soo biirtay Xisbiga WADDANI.

Waxgaradka beeshaas oo ay kamid ahayeen, Cheaf Caaqil Cabdirashiid Saleebaan Yuusuf, Oday Cali Maxamud Cilmi, Mujaahid Maxamuud Ismaciil Cali, Oday Siciid Xaji Xasan Aadan, Ganacsade Saleebaan Xaamud Iyo waxgarad kale ayaa kamid ah xubnihii la hadlay Murashaxa Xisbiga WADDANI ee u cadeeyay inay ku soo biireen Xisbiga  WADDANI cod iyo cududna la garab taganyihiin, kadib markii ay xaqiiq sadeen una cadaatay inuu yahay Xisbi danaynaaya oo ay ka helayaan xaquuda dalkana badbaadinaaya.

 

 

 

 

 

Waxa iyaguna goobtii gabayo tariikhda galay ka jeediyay abwaano ka soo jeeda degaanka Qoryaale oo gabayadii ay goobta ka tiriyeen ay qiiro galiyeen dhammaan xubnihii waftiga. Sidoo kale waxa isna halkaas ka hadlay Muniir Axmed Cigaal kaaliyaha murashaxa ee warbaahinta oo ugu bushareeyay Guddoomiyaha WADDANI in shacbiga degaanka uu ka soo jeedo is mujiyeen codkoodana ay ku soo saari doonaan haddii alle idmo Cabdiraxmaan Maxamed Cabdillaahi (Cirro) Siyaasiyiinta waftiga Murashaxa Xisbiga kamidka aha ayaa iyaguna dhammaantood ka hadlay madashii soo dhaweynta iyagoo si farxad leh ugu mahadnaqay shacbiga deganka Qoryaale tageerada ay u mujiyeen Xisbiga WADDANI. Hoggaamiyaha WADDANI Mud. Xirsi Cali Xaji Xasan ayaa isna sheegay in dadweynaha degaanka Togdheer guud ahaan iyo degamada Qoryaale u mujiyeen Xisbiga WADDANI niyad samaan iyo tageero, sidoo kale wuxuu Mud. Xirsi ugu baaqay maamulka Degamada Qoryaale inay dhibta ka dayaan shacbiga aanay cidi qasbin ee rabitaankooda ku tageeray WADDANI, isagoo xasuusiyay inay maalmo koobani u hadheen kuwa dadka dhibaaya.

Ugu danbayntii Murashaxa Xisbiga WADDANI Mud. Cabdiraxmaan Maxamed Cabdillaahi (Cirro) oo halkaasi ka hadlay ayaa u mahad celiyay dadweynaha degaanka Qoryaale ku dhaqan sida layaabka leh ee xamaasada leh ee ay u tageereen una soo dhaweyeen waftiga uu hoggaaminaayo, wuxuu sheegay in Xisbiga KULMIYE siweyn u dayacay arrimihii bulshada, isagoo shacbiga degaankaas iyo guud ahaan bulshada Somaliland xasuusiyay inay maanta haystaan fursadii ay ku dooran la hayeen cidii ku haboonayd tallada dalka ummadana ku dhiqi lahayd sinaan iyo cadaalad, wuxuu Guddoomiyaha Xisbiga WADDANI Mud. Cabdiraxmaan Maxamed Cabdillaahi (Cirro) ahna murashaxa jagada Madaxweyne ee Xisbigu deeq lacageed  ugu deeqay ardaydii kaalmaha hore ka gashay Imtixaankii Dugsigayada Somaliland ee wax ku barata degmada Qoryaale oo gaadhayay 8-arday oo kaalmaha hore galay, sidoo kale wuxuu ardayda dugsiga sare ee Qoryaale ugu deeqay xoolo loo qalo si ay ardaydu farxada ula wadagaan ardayda kaalmaha hore gashay.

VideosWararka

Xiisad ka dhalatay canshuurta Qaadka oo ka jirtay magaalada Laascaanood

Maalintii labaad ayaa magaalada Laascaanood waxa socda kacdoon ay samaynayaan dadka ka ganacsada Qaadka ama Jaadka kaddib markii qiimaha cashuurta kor loo qaaday.

Qaar ka mid ah hawlwadeenka shirkada jaadka ee Jabuuti oo ku hubaysan qoryaha dagaalka ayaa isugu baxay duleedka magaalada Laascaanood kuwaas oo sheegaya in ay dagaal ka xigaan kordhinta canshuurta.

Maxamed C/laahi oo ka mid ahaa kuwii warbaahinta la hadlay ayaa sheegay in ay canshuurtu awel ku badnayd isla markaana aysan qaadi karin mid intaas ka badan.

Dumarka jaadka iibiya ayaa iyaguna sameeyey isu soo bax ay arintaas kaga soo horjeedaan, hanjabaadna way raaciyeen.

Qaar ka mid ah odayaasha iyo waxgaradka ayaa wada dadaal ay doonayaan in ay xiisadan ku damiyaan, waxaase muuqata in arintaasi aanay weli suuragal ahayn iyadoo waqti kooban lagu xidhay Hargeysa mulkiilaha shirkada Jabuutaawi shalay.

Xiriir aan isku daynay in aan la yeelano masuuliyiinta nabadgelyada ayaan suurtagalin si aan wax uga ogaano waxa uga qorshaysan kacdoonkan.

Maaha markii ugu horeysey ee sidan oo kale qalalaase qaadku sababo uu ka doco magaalada Laascaanood, iyadoo inta badan ay cashuurahu noqdaan furaha kiciya.

VideosWararka

Maayar ku-xigeenka Caynaba iyo sadex Xildhibaan oo absiga loo Taxaabay

Caynaba(Waaheen) ciidamadda Booliiska degmadda Caynaba ayaa xabsiga u Taxaabay Maayar ku-xigeenka magaaladda Caynaba iyo sadex xildhibaan oo kale, kuwaas oo lagu Eedaynayo inay Fal danbiyeed ku kaceen.

Badhasaab ku-xigeenka gobolka Saraar oo warbaahinta la hadlay ayaa sheegay inay masuuliyiintaasi la dagaalameen Maayarka Caynaba oo dad barakacayaal ah u qaybinaya xoolo mucaawino ah oo loogu talogalay.

Badhasaabku waxa uu sheegay xadhigoodu in uu yahay mid sharci ah oo ka dhashay dagaal ay ku qaadeen Maayarka, waxaanu sheegay qof kasta in uu sharcigu qabanayo haddii uu fal danbiyeed galo.

Sadexda Xildhibaan ayaa la geeyey Maxkamadda, waxaana lagu soo celiyey Saldhiga si danbigooda loo baadho.

Khilaaf xoogan ayaa beryahanba ka dhex aloosnaa xildhibaanada golaha deegaanka Caynaba, kaasoo ay dadweyuhu muddo badan cabasho ka muujinayeen.

MaqaalloVideosWararka

London iyo caawa: bandhigga siyaasadda geeddiga cusub ee xisbiga kulmiye

Xisbiga Kulmiye mar labaad waxa uu London ku soo bandhigi doonaa siyaasadda geeddiga cusub (KULMIYE Public Policy Retreat) ee 2017 – 2022. Dhawaan ayey ahayd soo bandhigistii barnaamij siyaasadeed ballanqaadaya haddii Kulmiye la doorta waxa uu dal iyo dad baylahdooda ka qaban doono.

Siyaasadda geeddiga cusub (Kulmiye Public Policy Retreat) iyana waa habkii iyo khiddaddii loo fulin lahaa barnaamijka xisbiga – si qarankani u noqdo mid hana-qaada oo qayrkii si wacan u la tartama.

Siyaasadda xisbiga Kulmiye ee geeddiga cusubi waxa ay xoogga saari doontaa sidii wax weyn oo muuqda loo ga qaban lahaa shanta baahiyood ee waaweyn – si qarankani uu u horumar hinqado.

Shanta loo gu baahida badan yahay qaranka maanta waxa ka mid ah:-

A). Civic Belonging, Citizenship and Governance; waa siyaasad ka turjumaysa sidii Somaliland si kaamil ah oo isku dhan loo gu wada yeelan lahaa, ee dawladnimadeeda iyo khayraadkeeda loo gu sinnaan lahaa. Si taa loo gaadho waxa siyaasadda geeddiga cusub ee xisbiga Kulmiye ay xoogga saari doontaa in la helo siyaasad muwaaddiniinta sinta iyo dawlad wanaag hay’aadka qaranka hoggaamisa. Si siyaasaddani ay si weyn ugu meel marto xisbiga Kulmiye waxa uu ballanqaadayaa in uu dastuurka shaqeeyo – haddii baahi gaar ahi timaaddana sixis iyo kaabis la gu sameeyo.

B. Economic Development; xisbiga Kulmiye waxa uu qaadi doonaa jid dhaqaale dhis ah oo la gu sameynayo korniin dhaqaale oo dad iyo dal ah. Waxa la habayn doonaa oo si weyn ay dawladda xisbiga ka dhalataa u casriyeyn doontaa bangiga dhexe si uu awoodo saa’id ah oo dhinaca lacagta ah uu si madax-bannaan ugu shaqeeyo. Waxa la dajin doonaa siyaasadda badbaadada cuntada oo danta la ga leeyahay mustaqbalku ay tahay isku-filnaanshiyaha cuntada, waxa kale oo uu dawladda Kulmiye ee 2017 – 2022 ay dajin doontaa siyaasadda maalgashiga gudaha, waxa tacab badan dawladda Kulmiye ee soo socotaa ay galin doontaa cilmi baadhista jaamacadaha, xirfad u sameynta da’ yarta waxana ay qooli doonta lacagta si aan shilinka Somaliland aannu dib danbe ugu qiimo dhicin – waxa la dajin doonaa siyaasad balwadaha sagagarka ah ee uu qaadku ka midka yahay la gu liciifinayo.

C). “Public Health” sida ku cad barnaamijka Kulmiye waxa gabi ahaanba xisbigu uu siyaasad cad u dajin doonaa caafimaadka qaranka – miyi iyo magaalo waxa la ga hawl galin doonaa siyaasad ilaalisa xoogga iyo caafimaadka muwaaddiniinta Somaliland. Miisaaniyadda caafimaadka si weyn ayaa kor loo gu qaadi doonaa, waxana dawladda Kulmiye ay aad uga shaqayn doontaa helista qalab caafimaad iyo dawooyin tayo leh oo lacag la’aan ah – guud ahaan gobollada iyo degmooyinka dalka.

D). “National Education” sida ku cad barnaamijka Kulmiye waxa gabi ahaan ba la dajin doonaa siyaasad waxbarasho oo manhaj waddanka u hiilinaya kaashaneysa. Waxbarasho tayo leh oo dal iyo dadba baahida iyo cudurrada kala dagaallanta ayey dawladda Kulmiye labada sano ee hore ku dhammaystiri doontaa.

E). “Foreign Policy” dawladda Kulmiye waxa ay dhammaystirtay siyaasad arrimo dibedeed oo ka kooban boqol bog. Siyaasad hiil u ah madax-bannaanida Somaliland oo ku dhisan labada aragti ee la kala yidhaa Realistic Foreign Policy & Liberal Foreign Policy. Siyaasad u adeegta nabadda iyo horumarka mandaqadda iyo danaha Somaliland oo is-barkan.

Insha Allahu caawa ayaa London la gu soo bandhigi doonaa siyaasadda geeddiga cusub ee xisbiga Kulmiye. Nasiib-darro, inkasta oo aan ka maqanahay goobta oo aannan England haatan ku sugneyn – haddana gacan iyo maskax buuxda oo si fiican u gaaxan doonta ayaa barnaamijka soo bandhigi doonta. Insha Allahu Reer London iyo siyaasadda geeddiga cusub ee xisbiga Kulmiye iyo Professor Axmed Samatar iyo cawaysin wanaagsan. Insha Allahu hore ayaa loo soconnayaa.

Mohamed Hagi Mohamoud

Maqaallo

Hirdanka Labada Xisbi Ee Facebook!

Waxaan yaqiinsaday in toddobaadyadan u dambeeyay uu si aad isu soo taraysa u kordhay is xajiimaynta, isu baanista, faanka, haaraanka iyo weerarka aan joogsiga lahayn ee facebook ku dhex maraya taageereyaasha labada xisbi ee xafiiltanku ka dhaxeeyo ee KULMIYE iyo WADDANI.

Taageereyaashan qaarkood, waxa siiqada sheekadooda laga dareemayaa reernimo, kuwo kale waxaad garanaysaa inay garaado goys ku yihiin dacaayada. Qaar waxaad dareemaysaa inay dhaqaale ku qabaan hawshan ay hayaan, kuwo kalena waxaad fahmaysaa in cagaha loo geliyay. Waxase jira kuwo isu biyo dhiijinaya si ay kuraas ama xilal uga qabtaan dawlad dhalan doonta.

Dadkan is naqdiyayaa, ma aha taageereyaal iyagu si fool-ka fool ah wax iskaga sheegaya ee mid waliba waxa uu durayaa murrashaxa madaxweynaha ee xisbiga ka soo horjeeda. Qaarna amaanta Murrashaxa ay janteen, ayay isku hawlayaan inay sida kiniinka u liqsiiyaan dadka badan ee aan siyaasadda sidaasba u sii xaalaynaynin markay ka rajo dhigeen inaanay nolashooda saameyn togan ku yeelanaynin.

Waxaan u fahmay in gulufka aan xabad joojinta lahayn ee ka socda baraha bulshadu uu yahay, mid ajandeyaashiisa lagu soo go’aamiyo xarumaha dhexe ee xisbiyada KULMIYE iyo WADDANI.

Waxa kaloo aan is weydiiyaa,in ciyaar xumada ka socota facebook, ay ka mid tahay qodobbada sii kala fogeeya hormuudka siyaasiyiinta labada xisbi oo iyaguna aan waxba isu hambaynin saacadaha ay makarafoonka helaan.

Beryahan ma arag kaadir xisbi oo ummada u laqimaya xisbigoodu wuxuu ummada u qabanayo. Waxase aad badan kuwo ku odhanaya dawladnimadu waxay ku xidhan tahay iyadoo xisbigayaga duubka madaxtinimada loo xidho.

Haddaba, miyaanay habboonayn inay hadalka shaandhada innaga mariyaan oo ay innoogu beddelaan inay soo bowsdaan barnaamij siyaasadeedka xisbigoodu diirrada saarayo ee uu ku galayo doorashada, ka dibna inala wadaagaan.

Maxay inoogu mashquulin waayeen inay ka doodaan sicir-bararka iyo sarrif bararka Dalka ka jira ee sameeyay Bulshada.