Xukuumadda oo Xabsiga dhigtay Xildhibaan Saleebaan Cali Koore iyo koox uu watay oo Rabshay Guddoomiyaha cusub ee Golaha Wakiiladda

Waxay Barxadda gudaha ee Golaha Wakiiladda ka dhex rideen xabad rasaas ah oo Golaaftan ahayd

Hargeysa(Waaheen) Xukuumadda Somaliland ayaa shalay Xabsiga dhigtay xildhibaan Saleebaan Yuusuf Cali Koore, kadib markii uu xafiiskiisa ku weeraray Guddoomiayaha cusub ee loo doortay Golaha Wakiiladda Baashe Maxamed Faarax.

Xildhibaanka waxa lala xidhay laba nin oo la socday oo ilaalo u ahaa, kuwaas oo midkood xabad Rasaas ah ka dhex riday Barxadda Golaha Wakiiladda, kadib markii ay ilaalada Guddoomiye Baashe ka soo saareen xafiiska guddoomiyaha.

Wax khasaare ah oo dhacay ma jiraan, hase yeeshee xildhibaano goob joog ahaa ayaa warbaahinta u sheegay in uu Xildhibaan Saleebaan Yuusuf Cali Koore xafiiska guddoomiyaha Rabshad ka dhex sameeyey, isagoo weerar afka ah ku qaaday guddoomiye Baashe oo ay ku tartamayeen guddoomiyanimada, balse maalmo ka hor uun uu uga tanaasulay, kadib markii ay Ergo ka soo jeeda Guddoomiye Baashe ka codsatay Saleebaan in uu uga hadho, taasoo uu aqbalay.

Saleebaan Yuusuf Cali Koore ayaa inkasta oo uu ka hadhay Tartanka, hadana waxa uu la saftay Xildhibaan Talyanle oo Hal Cod lagaga Guulaystay, wallow imika uu Diidan yahay Natiijaddii uu marka hore aqbalay.

Wasiirka Arrimaha gudaha Somaliland Yaasiin Maxamuud Xiir Faratoon ayaa ka hadlay arrintan ayaa xaqiijiyey xadhiga Xildhibaanka iyo labada Nin ee kale, waxaanu ugu baaqay cid kasta oo sharci darro ku kacda in talaabo sharciga waafaqsan laga qaadi doono.

Filed in: Videos, Waaheen News

You might like:

Madaxweynaha Somaliland oo ka qaybgalay Xaflada Qalin-jebinta Jaamacada Golis Fara-ceeda Burco Xadhigana ka Jaray Dhismaha Miiska Saraakiisha ee Ciidanka Qaranka Togdheer
TACSI:-Murashax Cirro oo Shacabka Somaliland Ka Tacsiyadeeyey Geeridii Ku Timi Marxuum/Xildhibbaan Xasan Cawaale
TACSI MADAXWEYNE: Marxuum Xasan Cawaale IN-NAA LILLAAHI WA IN-NAA ILAYHI RAAJICUUN
TACSI GUDDOOMIYAHA kULMIYE: Marxuum Xasan Cawaale Caynaan: IN-NAA LILLAAHI WA IN-NAA ILAYHI RAAJICUUN
Ololihii Doorashada Madaxtooyadda ee Sadexda Xisbi oo saaka si rasmi ah uga bilaabmay Hargeysa iyo UCID oo saaka u leh dabaal-dega
Madaxweynaha Somaliland Oo Goob-joog U Ahaa Heshiis Taariikhi Ah Oo Dhex Maray Somaliland Iyo Khaatumo, Waxaanu Madaxweynuhu Khudbad Ka Jeediyey Madashii Kulanku Ka Dhacay Oo ahayd Caynaba Iyo Nuxurka Heshiiska Ka Soo Baxay Shirka
© 2017 Waaheen Media Group. All rights reserved. XHTML / CSS Valid.
Proudly designed by Eagle Tech.