Natiijada Guud ee Doorashooyinkii Ethopia oo maanta lagu Dawaaqi Doono

0
96

election_2002_ethiopiaGollaha doorashada Itoobiya ayaa ku dhawaaqi doona natiijadii doorashadii bishii hore ee dalka taas oo isugu jirtay baarlmaanka dalka ee guud iyo kuwa ismaamulada dalka. Boodhka ayaa sheegay in codadkii doorashada oo dhan la tiriyey, sidadarteedna natijadii rasmiga ahyad laa baahinayo maanta  Isniinta oo bishu tahay 22-ka June.

Waxaa xusid mudan, in natiijo hordhac oo bishii hore la soo bandhigay ay guusha siisay EPRDF iyo xisbiyada jaalka la ah kuwaas oo ku guuleystay 442 kursi oo ka mid ah 547 kursi ee baarlmaanku ka kooban yahay.

Ugu yaraan 2 urur oo ka tirsan mucaaradka ayaa natiijadaas gaashanka ku dhuftay iyaga oo sheegay in xisbiga talada haya iyo taageerayaashoodu ay guushoodu ku timid hantadaad iyo gacan-ka-hadal loo geystay taageerayaasha xisbiyada lidka ku ah dawlada.

Xukuumada Itoobiya ayaa eedaymahaas iska fogeysay iyada oo sheegtay in muucaradku ku guuldareysteen in ay soo bandhigaan qorshe iyo siyaasad quman oo ay codbixiyaasha ku soo jiitaan.

Goobjoogaayaasha Midowga Afrika, oo ah kormeeryaasha kaliya, ayaa sheegay in doorasadu u dhacaday si nabadgalyo ah oo macquul ah, balse waxa ay ka gaabsadeen kalamadaha ‘ xor iyo cadaalad’ in ay doorashadu u dhacday.

Sidoo kale, wadamada reer Galbeedka ayaa boogaadiyey in ay doorashadu ku dhamaato si nabdgalayo ah iyaga oo go’aankooda kama dambeysta ah ee ku aadan doorashada la sugaya natiijada rasmiga ah.

Gollaha doorashada ayaa waxaa kale oo uu soo bandhigayaa tirda guud ee codbixiyaasha iyo  ismaamuulada dalka.