Raysal wasaaraha Itoobiya oo qiray wadahadalada ay Masar la fureen inay adkaan doonaan

0
59

Desalegn ayaa sheegay in dalkiisu wadi doono dhismaha biy-xidheenka balse ay maanka ku hayn doonaan danaha kale ee wadamada wabiga Nile uu maro

Hogaamiyaha cusub ee Masar, Al Sisi, ayaa ballan qaaday in xurgufta labada dal lagu afjari doono wada xaajood.

Ethiopian Foreign Minister Hailemariam Desalegn visits EgyptAddis ababa(Waaheen) Hailemariam Desalegn ayaa sheegay in aan la dhayalsan wadahadalada Masar ee biyo-xidheenka weyn madaama ay Qaahira soo bandhigi doonto ujeedooiyn adag. Ra’isulwasaaraha ayaa hadalkan maanta ka jeediyey fadhiga baarlamaanka dalka Ethiopia.

Waxaa uu sheegay in wadahadaladu yihiin waji cusub oo Ethiopia sii wadi doonto, laakiin waxa u qiray an ay adkaan doonaan.

Desalegn ayaa sheegay in dalkiisu wadi doono dhismaha biy-xidheenka balse ay maanka ku hayn doonaan danaha kale ee wadamada wabiga Nile uu maro.

Xidhiidhka labada wadan ayaa mugdi galay tan iyo intii xukuumada Addis bilowday dhismaha biyo-xidheenka sanadkii 2011-ka.

Masar ayaa rumaysan in dhismaha mashruucani uu carqaladayn karo saamiga taariikhiga ah ee ay ku leeyihiin biyaha wabiga, halka Ethiopia aaminsan tahay in dhismuhu uuna wax saamen ah ku lahayn danaha Masar.

Hogaamiyaha cusub ee Masar, Al Sisi, ayaa ballan qaaday in xurgufta labada dal lagu afjari doono wada xaajood.