Xukumada Somaliland oo Xayirtay Telefeshinka UNIVERSAL.

0
73

imagesHargeysa(Waaheen) Wasiirka Wasaarada Warfaafinta iyo wacyigalinta ee Somaliland Cabdilaahi Daahir (Cukuse) ayaa ku dhawaaqay in xukumada Somaliland xayirtay Telefeshinka Caalamiga ah ee UNIVERSAL oo uu sheegay in uu madaxweynaha Somaliland Md. Axmed Maxmaed Maxaamuud (Siillaanyo)  uu ka sameyey sawir film kartoon ah oo uu tilmaamay in uu qaranimada Somaliland meel kaga dhacayey iyo karaamada madaxweynaha.

Wasiirku waxa uu sheegay in go’aan ay ku gaadheen in ay xayiraan  Telefeshinka Universal tan iyo inta ay raali gallin ka bixinayaan Gefka ay kula kaceen qaranimada iyo karaamada madaxweynaha.

Sidaasi waxa uu ku sheegay Shirjaaraa’id oo uu Maanta ku qabtayXafiiskiisa wasarada warfaafinta.

Wasiir Cukuse waxa kale oo uu sheegay in saxaafada looga bahan yahay in ay iska jiraan wixii anshax Saxaafada ka hor imanaya, karaamada Masuuliyiinta qaranka bahdilaya.

Xayiraadan la saaray Telefeshinka Universal ayaa ka danbeysay kadib markii uu teleshinkaasi Habeen hore siidayey Barnaamij taxane ah oo  Tvigaasi ka bax oo la yidhado Faaliyihii Qaranka waana barnaamij qosol ah oo loogu tallo galay bulshada Somalida, waxana  maalinba lagu gorfeeya madaxweyne ka mid ah madaxweynaaasha geeska Afrika gaar ahaan  kuwa somalida, balse xukumada Somaliland ayaa si weyn uga cadhootay barnaamijaasi oo lagu soo qaatay Madaxweyne Siillaanyo oo Wajigiisa oo sameys  tiivigu laga wareeystay iyada oo su’aalo lagu waydiiyey.

Maha Markii ugu horeysay ee Xukumada Siilaanyo ay xidho warbaahinta Madaxbaan Hore wax ay u xidhay Wargeyska Hubaal, iyada oo horena ay ururada Saxaafad a Somaliland u sheegen in saddexdii sanno ee ay jirta xukumada siillanayo ay xidhay tirro wariyaal ah oo ka baddan illaa 150 wariye.