Kooxda Golaha Wada Tashiga Ujeedadoodu Waa sidii ay Daaqada ugu Soo Gali lahaayeen Hanashada Xukunka.

0
91

Kaysar“Kooxda La Baxday Golaha Wada Tashiga Ujeedadoodu Waa sidii ay Daaqada ugu Soo Gali lahaayeen Hanashada Xukunka, ka dib Markii ay Albaabka Sharciga ah ka soo gali Kari waayeen ee ay Dadweynuhu   Dooran Waayeen”  Safiirka Wareega ee Somalilan Amb. Kaysar Cabdilaahi

Waxaa Beryahan Danbe Dhegaha dadweynaha ka batay hadal haynta Kooxda iskeed isu magacawday ee la baxay Golaha Wada Tashiga, madashaas oo ay isku soo urursadeen kooxo Siyaasiyiin ah oo badankoodu  Faro Mdhan iska taagay inay dadweynaha reer Somaliland Cod ka helaan ka dib markii ay Doorashooyinkii Dalkeenka ka qabsoomay ay dadweynuhu Codkooda siin waayeen. Waxaa markaas ka soo Oodmay Albaabkii sharciga ahaa ee ay ku hanan karayeen Awoodda iyo Hogaaminta Dalka, sababtoo ah Qofkii la doorto ayaa Umadda Hogaamiya, taasoo ah tau u Xukunka ku yimi  Madaxweyne Amed Maxamed Maxamuud Siilaanyo Saddex Sanadood ka hor.

Hadaba iyada oo Muwaadin kastaa uu ogsoon yahay in Dalkeenka uu ka jiro Sharci iyo Dastuur si cad u qeexay Nidaamka Siyaasiga ah ee loo Maro Gaadhista Kursiga Madaxweynaha, ayaa Kooxdan imika la baxday Golaha la Tashigu ay si cad u baal marayaan Hanaankeena Dawladnimo, waxa ay siyaasiyiintaasi si indho-la,aan ah ay u maleegayaan dhagaro siyaasadeed oo hantaaqo ku ah Horumarka, Kala Danbaynta iyo Nabadgelyada Qarankeena, taasoo Xukuumada Somaliland ay u Xilsaaran tahay ilaalinteeda.

Waxa ay Siyaasiyiintaasi ku Anadacoonayaan inaanay ahayn Gole Siyaasadeed oo u abaabulan sida Golayaasha Qaranka ee Sharciga ah, waxa kale oo ay ku Af-gobaadsadaan marka ay hadlayaan in  aanay Nabadgelyada Dalka ka soo horjeedin. Marka Xaqiiqda lagu hadlo Siyaasiyiinta Golahaasi ku dhawaaqay waxa ay ku foogan yihiin  dhismaha Gole oo aanu sharciga Dalka ka  jiraa jidayn, waxaanay Gobolada iyo Degmooyinka dalka si qarsoodi ah ugu wadaan diiwaan galinta dad ay majaro habaabinayaan, waxaana ay geed dheer iyo geed gaabanba ay u fuulayaan sidii ay  Dalka uga hirgalin lahaayeen Gole Abaabulan oo Sharci Darro ah, kaasoo aan Dastuurka Dalka Waafaqsanayn, nidaam darro iyo qasna ku abuuri kara Dalkeena.

Waana ta Sababtay in Waxgaradka, Culimada, Aqoonyahanka, Cuqaasha, Salaadiinta iyo dadweynaha reer Somaliland ay si aad ah uga soo horjeesteen golahaasi, una canbaareeyaan si joogto ah, maadama ay reer Somaliland ogsoon yhiin Siyaasiyiintan Miidaamaha ah ee Dalka Qaska Galinaya.Waxa kale oo Dadweynaha reer Somaliland ay aad isu weydiinayaan  Xidhiidhka ka dhaxayn kara Golahooda iyo Golahan kale ee Soomaaliya lagaga dhawaaqay, iyo waxa isku Wakhtiga ku soo beegay, waana mid u baahan in si qoto dheer loo fiirayo in arrinta Siyaasiyiintani ay imika la shir yimaadeen ay tahay Mashruuc kale oo inaga Qarsoon oo meelo kale u Talaalan!

Allah Mahadi ha ka gaadhee DadweynahaRreer Somaliland waa  qaar aragti dheer oo aanay khaldi Karin  Siyaasi kolba shaadh usoo xidhaa, isla markaasna  Dadweynaha reer Somaliland waxa ay Kalsooni Buuxda  ku qabaan Xukuumadooda iyo Madaxweynahooda ay Doorteen oo Horumar dhinac kasta ah gaadhsiiyay Dalkeenka mudadii saddexda sanadood ahayd ee uu dalka Hogaaminayay.

Guntii iyo Gebogebadii Madaxweynaha Jamhuuriyada Somaliland Mudane Axmed Maxamed Maxamuud Siilaanyo waa Halyeey ku Caan ah inuu Dhagaysto oo uu la tashado Masuul kasta iyo Muwaadin kasta oo haya Talo iyo Tusaale Waxtar u ah Horumarinta Dalkeena Hooyo, Waxaana uu Madaxweyne Siilaanyo Caan ku yahay La Tashiga Dadkiisa, waana mid uu mar kasta Niyad Wanaagsan ku Qaabili Doono Muwaadin Kasta oo Talo Fiican haya. Hase yeeshee Madaxweynaha iyo Xukuumada uu Hogaamiyo Marnaba kama suurtowdo inay Ogolaadaan Wax Sharci Darro iyo Fawdo ka Abuuri Kara Qarankeena,  Iyada oo Ilaalinta Dastuurka iyo Deganaanshaha Nabadgalada Qaranka iyo Kala Danbaynta Dawladnimo ay tahay mid uu u Xilsaaran yahay oo aanuu cidna uga Habrran doonin.

Waxaan ku Waaninayaa Xubnahaas la Baxay Golaha Wada tashigu inay dib isugu Noqdaan oo ay si qoto dheer u eegaan ficilada ay ku kacayaan dhaawaca ay u geysan karto Qaranimadeena, waxaana la gudboon inay  ku biiraan oo ay feedha ka raacaan Xisbiyada Qaranka ee Sharciga ah ee Dalka ka Jira.

 

Waad mahadsan tihiin

Amb. Kaysar Cabdilaahi Maxamed

kaysar@europe.com